Public relations

ТОҶИКИСТОНУ ЧИН ҲАМКОРИҲО ДАР РОҲИ РУШДАНД

11 03 2019

Барои рушди сиёсӣ, иҷтимоӣ ва иқтисодии давлат дар қатори омилҳои дигар таҳкими робитаҳои минтақавӣ ва байналмилалӣ шарти асосӣ ба шумор меравад, зеро бе рушди ҳамкорӣ пешравии бахшҳои дигар мушкил аст. Сиёсати «дарҳои кушода» яке аз нахустин иқдомҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, ки барои густариши ҳамкориҳои мутақобилан судманди байналмилалии Тоҷикистон заминаи боэътимод гузошта, ба рушди босуботи соҳаҳои гуногуни хоҷагии халқ мусоидат намуд ва Ҷумҳурии Тоҷикистонро ҳамчун кишвари сулҳхоҳу тараққипарвар ба ҷаҳониён муаррифӣ сохт. Ҳоло Ҷумҳурии Тоҷикистон бо 119 давлати дунё муносибатҳои дипломатӣ, иқтисодӣ, тиҷоратӣ ва фарҳангиро ба роҳ мондааст. 
Яке аз шарикони стратегии Ҷумҳурии Тоҷикистон Ҷумҳурии Мардумии Чин мебошад. Муносибатҳои дуҷониба 4 январи соли1994 оғоз гардида, пайваста густариш меёбанд. Чин яке аз аввалин кишварҳоест, ки Истиқлолияти давлатии Ҷумҳурии Тоҷикистонро эътироф намудааст. Тӯли 25 соли ҳамкориҳои дуҷониба миёни Тоҷикистону Чин робитаҳо босуръату бесобиқа тавсеа ёфтаанд. Дар ин давра ду ҳамсояи нек тавонистанд ба ҳамдигар шарики боэътимод ва дӯстони наздик шаванд. Кишварҳои мо дар бахши ҳамкориҳои сиёсӣ боварии қавӣ дошта, дар аксар масъалаҳои ҷиҳатан муҳим мавқеи якдигарро дастгирӣ менамоянд. 
Ҷумҳурии Тоҷикистон аз замони бадастовардани истиқлолият дар роҳи татбиқи сиёсати ислоҳоти фаъол ҷиҳати таъмини рушди босуботи иқтисодиёт тавассути ҳамгироӣ ба хоҷагидории иқтисодии ҷаҳонӣ чораҳои зарурӣ ва таъсирбахш меандешад. Фазои сиёсӣ ва сармоягузории мамлакат, инчунин, санадҳои меъёрии ҳуқуқии қабулгардида ҷиҳати ҳалли бисёр вазифаҳои афзалиятнок оид ба рушд ва таҷдиди иқтисодиёт, ҷалби ҳар чи бештари сармоя ба иқтисоди мамлакат ва рушди бахши хусусӣ мусоидат менамоянд.

муфассал

 

"БАҲМАНМОҲИ ХУНИН". АГАР ФАЪОЛИЯТИ НАҲЗАТИҲО ПЕШГИРӢ МЕШУД...

18 02 2019

 

Дар бораи воқеаҳои февралии соли 1990 - “баҳманмоҳи хунин”, ки бисту нуҳ сол пеш дар шаҳри Душанбе ба вуқӯъ омада буд, бисёр гуфтаанду навиштаанд ва то ҳол баъзеҳо сабабгору гунаҳкорони онро меҷӯянд. Аммо, таҳлили вазъи ҳамонвақтаи Тоҷикистон, ҷараёни ҳодисаҳои “баҳманмоҳи хунин” ва хулосаи комиссияи тафтишотии вобаста ба он нишон медиҳанд, ки гунаҳкори асосии воқеаҳои мазкур маҳз роҳбарону масъулони ташкилоти террористӣ - экстремистии наҳзат буданд. 
Рӯҳонияти мазҳабии мутаассиб, ки ба наҳзат мансуб буданд, бо дастури сарпарастони хориҷиашон вазъияти ҳамонвақтаи Иттиҳоди Шӯравии собиқро, ки рӯ ба вайроншавӣ дошт, ба назар гирифта, мақсади ғасби ҳокимияти сиёсӣ доштанд. Бо ин мақсад онҳо барои бадном кардани роҳбарияти собиқи Тоҷикистон ва ноором сохтани вазъият, аввал овоза паҳн карданд, ки гӯё ба арманиҳои дар натиҷаи заминҷунбии Арманистон зарардида (ин заминҷунбии харобиовар моҳи декабри соли 1989 дар Арманистон рух дода буд)  дар шаҳри Душанбе манзилҳои истиқоматӣ медода бошанд. Ин тоифа ба он хотир чунин овозаро паҳн карданд, ки медонистанд, масъалаи таъмини аҳолии Душанбе бо манзил дар он замон ниҳоят мушкил ва ҳалталаб буда, ҳазорҳо нафар дар навбати хонагирӣ меистоданд. Дар натиҷа, як қисми одамони аз асли воқеа бехабар ба ин иғво дода шуданд ва мисли гумроҳон бо даъвати таблиғгарони наҳзатӣ дар майдон ҷамъ омаданд. 

муфассал

 

СИЁСАТИ МУВАФФАҚИ ПЕШВОИ МИЛЛАТ ДАР БУНЁДИ АРТИШ

18 02 2019

Дар Паёми навбатии хеш, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз тамоми мардуми хирадманду дурандеш ва соҳибмаърифати тоҷик даъват ба амал оварданд, ки баҳри ободу сарзабз нигоҳ доштани Тоҷикистони соҳибистиқлол ва бо дилу нияти нек саҳмгузори ин марзу бум бошанд. Ҳамчунин, зимни ироаи Паём, Пешвои миллат бо ифтихор иброз намуданд, ки “мо ба Қувваҳои Мусаллаҳи кишварамон эътимоди комил дорем ва дилпурем, ки онҳо минбаъд низ истиқлолияту озодии Тоҷикистони маҳбубамон, амнияти давлат ва суботу оромии мардуми моро чун сипар ҳимоя мекунанд”. Дар ин раванд, бовар дорам, ки ҳар хизматчии ҳарбии Қувваҳои Мусаллаҳи мамлакат, баланд бардоштани сатҳи омодагии касбӣ, садоқат ба халқу Ватан, риояи талаботҳои ойинномаҳо ва интизоми ҳарбиро дар сатҳи лозима ба роҳ мемонад. Бунёди Қувваҳои Мусаллаҳ, дар таърихи навини давлатдории тоҷик ҳодисаи ҳаммақом ба Истиқлолияти давлатии Ҷумҳурии Тоҷикистон аст. Зеро, нерӯҳои ҳарбии таъмини мудофиа кафили давлату давлатдорӣ буданд ва хоҳанд монд. Хизмати Асосгузори сулҳу ваҳдати миллӣ-Пешвои миллат, Сарфармондеҳи Олии Қувваҳои Мусаллаҳ, Президенти Ҷумҳурии Тоҷикистон муҳтарам Эмомалӣ Раҳмон ҳамчун бунёдгузори Қувваҳои Мусаллаҳ ва сохторҳои ҳарбӣ дар он аст, ки дар марҳилае, ки қувваҳои зиддидавлатӣ ва гурӯҳҳои муташаккили ҷиноӣ дар вусъат бар шумораи умумии нерӯҳои низомии давлатӣ бартарӣ доштанд, стратегияи мушаххаси ҳам мубориза ва ҳам созмон додани нерӯҳои ҳарбии таъмини мудофиаи Тоҷикистонро муайян намуд ва ба амал баровард.

муфассал

 

АРТИШИ МО-ҚУДРАТУ НЕРӮЙИ ИСТИҚЛОЛИ МО

18 02 2019

Хизмат ба халқ, саъю кӯшиши пайваста ба хотири ҳифзи Истиқлолият, якпорчагии қаламрави Тоҷикистон, таҳкими Ваҳдати тамоми сокинони он ва дастгириву пуштибонии сулҳу оромӣ-бузургтарин вазифа ва муқаддастарин қарзи ҳар кадоми мову шумост ва ҳар низомие, ки худро фарзанди Тоҷикистони озоду соҳибистиқлол медонад, набояд лаҳзае ин вазифаи бузург ва қарзи муқаддаси худро фаромӯш кунад”. Эмомалӣ РАҲМОН

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми имсолаи худ ба Маҷлиси Олии Ҷумҳурии Тоҷикистон ва зимни дигар баромаду вохӯриҳо бо низомиёни мамлакат ва мақомоти ҳифзи ҳуқуқу тартибот таъкид намуданд, ки воқеоту таҳаввулоти ҷомеаи мухталифи ҷаҳонӣ ҳар яки моро водор мекунад, ки зиракии сиёсӣ, омодагии доимӣ, эҳсоси баланди ватандӯстӣ, худогоҳӣ ва муқаддас доштану ҳифз намудани ҳама арзишҳои истиқлолияти давлати куҳанбунёдамонро аз даст надиҳем.

Чунки вазъи зудтағйирёбандаи ҷаҳони муосир, зиёд гардидани равияву ташкилотҳои тундрави террористиву экстремистӣ ва дигар зуҳуроти таҳдидовари хатарнок метавонанд, ки сулҳу субот ва ҳаёти орому осудаи мардумони кишвари моро халалдор намоянд. Аз ин рӯ, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон дар ҳалли масъалаҳои мустаҳкам намудани иқтидори мудофиавии кишвар диққати махсус зоҳир намуда, онро аз рӯзҳои аввали таъсисёбии Қувваҳои Мусаллаҳ таҳти назорати доимии худ қарор додаанд. Зеро, дар ҳар давру замон ҳеҷ як давлату халқият бе Қувваҳои Мусаллаҳи худ вуҷуд дошта наметавонад ва ин қувва сулҳу субот, оромию осоиштагии мардум ва амнияти ҳар як кишварро таъмин менамояд.

муфассал

 

АРТИШИ МИЛЛӢ АВВАЛИН ДАСТОВАРДИ ИСТИҚЛОЛИЯТИ ДАВЛАТӢ!

18 02 2019

Таърихи Тоҷикистони соҳибистиқлол собит намудааст, ки Қувваҳои Мусаллаҳи кишвар баъди пош хӯрдани Иттиҳоди Шӯравӣ сарфи назар аз он, ки ҷумҳуриро вазъи печидаи ҳарбӣ-сиёсӣ ё худ муноқишаҳои дохилӣ фаро гирифта буд, Тоҷикистони тозаистиқлол бо заҳмату талошҳои Ассосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ба таъсиси Қувваҳои Мусаллаҳи худ дар шароите, ки барои бунёди он ягон заминаи моддию техникӣ вуҷуд надошт, шурӯъ кардааст. Шароити пешрафти босуръати ҷаҳонӣ тақозо кард, ки дар тамоми соҳаҳои кишвар, аз ҷумла Артиши миллӣ таҷрибаҳои пешқадамро ҷорӣ намоем.

Баҳри ноил гаштан, ба ташкили кишвари соҳибистиқлол санаи 18 декабри соли 1992 аз ҷониби Шӯрои Олии Ҷумҳурии Тоҷикистон қарор «Дар бораи таъсиси Қувваҳои Мусаллаҳи Ҷумҳурии Тоҷикистон» ба табъ расид ва 23 феврали соли 1993 нахустин паради ҳарбӣ баргузор шуд, ки он рӯз расман санаи таъсисёбии Қувваҳои Мусаллаҳ эълон гардид. Дар ин ҷода бо ҳидояту талош ва дастгириҳои бевоситаи Пешвои миллат муҳтарам Эмомалӣ Раҳмон бо зиёда аз 50 давлатҳои ҷаҳон ҳамкориҳои ҳарбӣ ва ҳарбӣ-техникии дуҷониба ва бисёрҷонибаро ба роҳ мондааст. Ҳамкориҳои ҳарбӣ ва ҳарбӣ-техникӣ бо вазоратҳои мудофиаи кишварҳои хориҷ ва созмонҳои байналмилалӣ асосан дар самтҳои мубодилаи иттилооту таҷрибаомӯзӣ дар мубориза бар зидди терроризму дигар зуҳуроти номатлуб, ташкили пайвастаи машқу унсурҳои мухталифи низомӣ, омадасозии афсарони касбӣ ва расонидани кумакҳои техникӣ ба Артиши ҷавони ҷумҳурӣ ба роҳ монда шудааст.

муфассал

 

Сутуни истиқлол

14 02 2019

Саҳми Пешвои миллат дар таъсисёбии Қувваҳои Мусаллаҳ

23-юми феврали соли 2019, аз таъсисёбии Қувваҳои Мусаллаҳи Ҷумҳурии Тоҷикистон 26 сол пур мешавад.

Баъди пош хӯрдани Иттиҳоди Шӯравӣ сарфи назар аз он, ки кишварро вазъи печидаи ҳарбӣ-сиёсӣ ё худ муноқишаҳои дохилӣ фарогир буд, Тоҷикистони тозаистиқлол ба таъсиси Қувваҳои Мусаллаҳи худ шурӯъ намуд. Вале барои бунёди он ягон заминаи моддиву техникӣ вуҷуд надошт. Яъне, ташкили Артиши миллии мо дар ҷойи холӣ, аз сифр шурӯъ гардид. 18-уми декабри соли 1992 аз ҷониби Раиси Шӯрои Олии Ҷумҳурии Тоҷикистон Эмомалӣ Раҳмон қарор «Дар бораи таъсиси Қувваҳои Мусаллаҳи Ҷумҳурии Тоҷикистон» ба имзо расида, он дар заминаи «Фронти халқӣ» ва қувваҳое, ки ҳукумати конститутсиониро ҷонибдорӣ мекарданд, таъсис дода шуд. Ҳамин тариқ, 23-юми феврали соли 1993, нахустин паради ҳарбӣ баргузор гардид, ки он рӯз расман санаи таъсисёбии Қувваҳои Мусаллаҳи Ҷумҳурии Тоҷикистон эълон карда шуд.

Қувваҳои Мусаллаҳи Ҷумҳурии Тоҷикистон аз рӯзҳои таъсисёбӣ се марҳиларо паси сар намудааст. Даври аввал, ки аллакай пушти сар шуд, даври ташкилу фаъол намудани мақомоти ҳарбӣ, қисмҳои низомӣ ва дигар муассисаву идораҳои Қувваҳои Мусаллаҳ буд, ки ин давр бомуваффақият анҷом ёфт. Даври дуюм, марҳилаи рушду камоли артиш, баланд бардоштани омодагии доимии ҷангӣ ва татбиқу истифодаи таҷрибаҳои пешқадам дар омӯзиши мақомоти идорӣ ва ҳайати шахсӣ аст, ки он ҳанӯз идома дорад.Даври асосӣ, ин бунёди навъҳои Қувваҳои Мусаллаҳи Ҷумҳурии Тоҷикистон ва таҳкиму тақвият бахшидани иқтидори ҷангии онро дар бар мегирад. Айни ҳол, дар ҳайати Артиши миллӣ се навъи Қувваҳои Мусаллаҳ фаъолият дорад: Қӯшунҳои хушкигард, Қӯшунҳои зудамал, Қувваҳои ҳарбӣ-ҳавоӣ ва мудофиаи зиддиҳавоӣ. Илова бар ин, ислоҳоти ҳарбӣ дар Қувваҳои Мусаллаҳ ҳанӯз ҳам идома дорад.

муфассал

 

ПАЁМ – ДАСТУРИ ОЯНДАСОЗ

13 02 2019

Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ барои мо дастури ояндасоз мебошад. Ба василаи он фаъолияти минбаъдаамонро дақиқу равшан сохта, муҳимтарин самтҳои сиёсати дохиливу хориҷӣ, ҳадаф ва барномаҳои навини рушди соҳаҳои мухталифи ҷомеаи мо мегардад.
Боиси ифтихору сарфарозии ҳар як шаҳрванди баору номуси кишвар аст, ки ташаббуси чоруми ҷаҳонии Тоҷикистон - Даҳсолаи байналмилалии амал «Об барои рушди устувор, солҳои 2018 - 2028» дастгирӣ ёфт ва иҷрои он расман шурӯъ шуд.
Бо назардошти дар сатҳи ҷаҳонӣ мавҷуд будани мушкилоти вобаста ба об ин иқдоми башардӯстонаи Пешвои миллат саривақтиву зарурӣ буда, дар саҳифаи таърихи башарият бо ҳарфҳои заррин сабт хоҳад гардид.
Дастоварди арзишманди дигар барои мардуми шарафманди тоҷик дар соли сипаригардида мустаҳкам шудани муносибатҳо миёни ҷумҳуриҳои Тоҷикистону Ӯзбекистон мебошад. Пешвои муаззами миллат муҳтарам Эмомалӣ Раҳмон мустаҳкам гаштани дӯстии халқҳои тоҷику ӯзбекро рӯйдоди муҳими таърихӣ дар ҳаёти иҷтимоиву иқтисодӣ ва маънавии мардум номида, чунин иброз доштанд: «Бори дигар бо қаноатмандӣ хотирнишон месозам, ки соли 2018 дар муносибатҳои дуҷониба бо кишвари ҳамҷавор ва дӯсти мо Ӯзбекистон таҳаввулоти таърихӣ рух доданд ва мо тамоми масъалаҳои ҳалталабу шиддатнокеро, ки тайи зиёда аз бист соли охир байни ду кишвар ба миён омада буданд, пурра ҳаллу фасл карда, ҳамкориҳоямонро ба сатҳи шарикии стратегӣ баровардем».

муфассал

 

МАҶЛИСИ КИМ ҲИЗБИ ХАЛҚИИ ДЕМОКРАТИИ ТОҶИКИСТОН

11 02 2019

 

7 феврал дар Китобхонаи миллӣ маҷлиси Кумитаи Иҷроияи Марказии Ҳизби Халқии Демократии Тоҷикистон баргузор гардид, ки дар кори он Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон иштирок ва суханронӣ намуданд.
Дар маҷлис натиҷаҳои фаъолияти дастгоҳи Кумитаи Иҷроияи Марказии ҳизб ва кумитаҳои иҷроияи вилоят ва шаҳру ноҳияҳои кишвар дар соли 2018 мавриди баррасӣ қарор гирифта, нақшаи фаъолият барои соли 2019 муайян карда шуд.
Дар маҷлис аъзои Раёсат ва Кумитаи Иҷроияи Марказии Ҳизби Халқии Демократии Тоҷикистон, фраксияи Ҳизби Халқии Демократии Тоҷикистон дар Парламент, роҳбарони як қатор сохтору идораҳои дахлдор, кормандони масъули дастгоҳи Кумитаи Иҷроияи Марказии ҳизб, роҳбарон ва намояндагони кумитаҳои иҷроияи вилоят ва шаҳру ноҳияҳо, намояндагони васоити ахбори омма, аъзои фаъоли ҳизб ва Ташкилоти ҷамъиятии ҷавонон “Созандагони Ватан” ширкат варзиданд.
Маҷлиси Кумитаи Иҷроияи Марказии Ҳизби Халқии Демократии Тоҷикистонро Раиси ҳизб муҳтарам Эмомалӣ Раҳмон ифтитоҳ намуда, рӯзномаи маҷлис оид ба “Фаъолияти Ҳизби Халқии Демократии Тоҷикистон дар соли 2018 ва вазифаҳои сохторҳои ҳизбӣ барои соли 2019” - ро ба муҳокима гузоштанд.
Зимни суханронӣ Раиси ҳизб таъкид намуданд, ки садоқат ба ормонҳои халқ ва соҳибиродаву бомасъулият будан ду рукни асосӣ, яъне ҷавҳару меҳвари Ҳизби Халқии Демократии Тоҷикистонро ташкил медиҳанд. Зикр гардид, ки мо ҳоло дар доираи татбиқи барномаҳои ҳизб барои сатҳи нави рушди устувори иқтисодӣ ворид шудани кишварамон талош дорем, хусусан бунёди корхонаҳои бузурге, ки барои баланд шудани сатҳу сифати зиндагии мардум мусоидат хоҳанд кард.

муфассал

 

СААДЕТТИН КОҶАТУРК: "МИЛЛАТИ ТОҶИК БО ЧУНИН САРВАРИ ФОЗИЛ ВА АРҶМАНД БОЯД ИФТИХОР КУНАД"

08 02 2019

 

5 феврали соли 2019 дар Ҷумҳурии Туркия Симпозиуми байналмилалӣ зери унвони “Муқовимат бар зидди созмони террористии наҳзат” баргузор гардид. Дар симпозиум ходимони дини Тоҷикистон, олимон, унвонҷӯён, дипломатҳои кишварҳои хориҷии муқими Анқара,  намояндагони Шӯрои донишҷӯёни тоҷик дар Туркия, созмонҳои байналмилалӣ ва Анҷумани тоҷикон дар Туркия иштирок доштанд. Коршиносон вобаста ба мавзӯъҳои бадномкунӣ ва суиистифодаи дини мубини Ислом аз тарафи террористон, даст задани аъзои ба ном ҳизбҳои “исломӣ” ба ҷиноятҳои сангин, аз қабили куштор, фаҳш, кӯшишҳои табаддулотҳои давлатӣ ва ҳамкории онҳо бо кишварҳои бадхоҳ, сухан ронданд.
Дар симпозиум профессори Донишгоҳи Анқара Саадеттин Коҷатурк оид ба хизматҳои Президенти Ҷумҳурии Тоҷикистон муҳтарам Эмомалӣ Раҳмон дар пешрафти дини мубини Ислом ба ҳозирон маълумот дода, таъкид намуд, ки Сарвари давлати Тоҷикистон ба хотири хизматҳои шоёнашон дар дини мубини Ислом ба рӯйхати 500 нафар мусулмони бонуфузтарини ҷаҳон шомил шудаанд. Аз ҷумла, профессори турк зикр намуд, ки бо ташаббуси Эмомалӣ Раҳмон соли 2009 дар шаҳри Душанбе Конфронси байналмилалии бузургдошти пешвои мазҳаби Ҳанафия ­ Имоми Аъзам баргузор гардид, ки эшон низ дар он ширкат ва суханронӣ кардааст. Нашри китоби муқаддаси мусулмонон - Қуръон бо хати кирилӣ, бунёди бузургтарин масҷиди ҷомеъ дар шаҳри Душанбе, фароҳам овардани шароити мусоид барои ҳама мусулмонони Тоҷикистон аз донишмандӣ ва хоксории чунин як Президенти кишвар шаҳодат медиҳад. 
Дар идомаи суҳбаташ олими барҷаста афзуд, ки миллати тоҷик бояд бо доштани чунин Президенти фозил ва арҷманд ифтихор намояд, чунин Сарвар бар ҳар миллату давлат насиб намегардад. Иловатан, профессор тазаккур дод, ки ҳангоми сафари навбатиаш ба Ҷумҳурии Тоҷикистон аз Президенти Ҷумҳурии Тоҷикистон хоҳиш менамояд, ки ба ӯ шаҳрвандии Ҷумҳурии Тоҷикистон дода шавад.

муфассал

 

Аз анҷоми ҳодисаҳои Афғонистон 30 сол гузашт

08 02 2019

Ҳодисаҳои Афғонистон ва сабақи он

Дар нимаи дувуми асри гузашта тавассути дахолати баъзе давлатҳои абарқудрат дар ҷаҳон бисёр ҳодисаҳое рӯй доданд, ки ба тақдири халқҳо таъсири манфӣ расонданд. Яке аз чунин ҳодисаҳо ба ҳудуди давлати ба мо ҳамсоя-Афғонистон ворид шудани контингенти маҳдуди Қувваҳои Мусаллаҳи Иттиҳоди Шӯравӣ ва аланга задани ҷанги шаҳрвандии дохили кишвару оғози муқовимати мусаллаҳона ба муқобили ҷузъу томҳои Шӯравӣ буд.

Дар он солҳо давлатҳои абарқудрат бо ҳар роҳу васила мехостанд таъсиру нуфузи худро ба кишварҳои сусттараққикардаву қафомонда бор карда, онҳоро зери итоати геополитикии худ қарор диҳанд. Соли 1979 воқеаҳои дохилии сиёсӣ дар Афғонистон шароити муносиб барои дахолати Иттиҳоди Шӯравӣ ба ин кишварро фароҳам овард. Баъди таҳлили вазъ ва муроҷиати чандинкаратаи роҳбарияти ҶДА роҳбарияти ИҶШС барои вориди контингенти маҳдуди артиши Шӯравӣ ба хоки Афғонистон қарор қабул кард. 27-уми декабри соли 1979 аввалин ҷузъу томҳои Артиши Шӯравӣ вориди хоки ҳамсоякишвар шуданд.

Дар ибтидо вазифаи асосии нерӯҳои маҳдуд аз расонидани кӯмаки башардӯстона ба халқи афғон дар сохтмони ҳаёти нав иборат дониста мешуд. Аз ин ру, дар марҳалаи аввал дар ҳақиқат баробари фурӯ нишондани муқобилияти баъзе нерӯҳо фиристодагони Шӯравӣ ба ташкили рукнҳои қудратию ҳифзи ҳуқуқ, ташкили сохтори ҳокимияти нави давлатӣ, сохтмони пулу роҳҳо, мактабу беморхонаҳо, корхонаву муассисаҳо машғул буданд. Бо таъсири Иттиҳоди Шӯравӣ дар Афғонистон дигаргуниҳои куллӣ оғоз гардид ва ин ба нерӯҳои бадхоҳи дохилию давлатҳои Ғарб, пеш аз ҳама, ба Илооти Муттаҳидаи Америка писанд наомад. Баъди мудохилаи онҳо воқеаҳо ранги дигар гирифта, давлатҳои Ғарб дар баробари ҷанги идеологӣ ба муқобили сиёсати Шӯравӣ, ба ташкили дастаҳои муқовимат (муҷоҳид), бо силоҳу аслиҳа ва муҳиммоти ҷангӣ таъмин кардан ба муқобили ҷузъу томҳои Шӯравӣ мубориза бурданро оғоз карда, байни контингенти маҳдуди Артиши Шӯравӣ ва муқобилони сохти нав ҷангӣ ҳақиқӣ оғоз шуд. Ин ҷанг 10 сол - аз 27-уми декабри соли 1979 то 15-уми феврали соли 1989 давом карда, боиси қурбониҳои зиёд ҳам аз ҷониби низомиёни Шӯравӣ ва ҳам муҷоҳидону мардуми осоишта гардид.

муфассал

 

БА ТАЪРИХ БО ЧАШМИ ХИРАД БИНГАРЕМ Ё ЧАРО ҲАРАКАТИ БОСМАЧИГАРӢ РАСОНАӢ ШУД?

07 02 2019

 

Чанд соли охир расонаҳои иттилоотӣ, хосса расонаҳои хориҷиву шахсӣ, ба мавзӯи ҳаракати босмачигарӣ таваҷҷуҳи махсус зоҳир карда истодаанд.
Албатта, ба таърих ва ҳодисаҳои муайяни он бо гузашти солҳо барои ошкор намудани ҳақиқатҳои ниҳонаш зиёиён, равшанфикрон борҳо назар мекунанду фарзияву хулосаҳои худро мебароранд. Аммо, агар ин гуна нигоҳҳо бо чашми хирад набошад, таърих на танҳо ҷаҳолати назаркунандагонашро ошкор месозад, балки бо таҳлилҳову андешаҳову хулосаҳои нодурусташон мардумро ба гумроҳӣ ва кӯчаҳои сарбаста мебаранд.
Муроду ҳадаф аз рӯ овардан ба ин мавзӯъ чист? Тарҳсозони ин гурӯҳи муаллифон киҳоянд? То куҷо метавонанд  «муваффақ» бишаванд? Аз ин ҳама киҳо «манфиат» мебардоранд? Бо ин амалҳои номатлуб манфиатҳои миллиро ҳимоя мекунем ва ё онҳоро зери по мениҳему баъдҳо аз даст медиҳем? Таърих, шахсиятҳои маъруфу ҳомиёни аслии миллат ва  шоҳидони давр дар ин хусус чӣ андеша доштанду кадом мавқеъро барои худу миллат пазируфтанд? Ва ҳам саромадони асилу бонанги миллати мо дар оғози асри гузашта мардум, миллатро чӣ гуна раҳнамунӣ карданд? Саркардагону ба вуҷудоварандагони ҳаракати босмачигарӣ киҳо ва аз куҷову ба чӣ мақсад омада буданд? Оё онҳо, воқеан, манфиатҳои милливу динии моро ҳимоят кардан мехостанд? Пушти ин пардаҳо чӣ бозиҳои пинҳон сурат мегирифтанд? Барои посух гирифтан ба ин пурсишҳо  хабарнигори рӯзнома Абдулқодири Раҳим, ба доктори илмҳои таърих, профессор Иброҳим Усмонов муроҷиат намуд.

- Ҳар саҳифаи таърихи халқ ба он баҳогузорӣ мешавад, ки он ба ояндаи халқ чӣ додааст? Чизҳои зебои зиёде метавонанд бошанд, ки натиҷаашон чандон зебо нест. Ва чизҳои зиёди дар зоҳир зишту бад ҳам ҳастанд, ки дар асл зебо ва натиҷаашон ба манфиати халқ мебошанд. Вақте ки мо ба таърихи солҳои 20-уми асри гузашта назар кардан мехоҳем, бояд ба ин масъалаҳо диққати ҷиддӣ бидиҳем.

муфассал

 

“Хуни ҳаром”. Андар баёни далоили таърихии пайванди босмачӣ-наҳзатӣ-терроризм, ки илм исбот кардааст

22 01 2019

Амалан, илм исбот кардааст, ки босмачӣ ё босмачигароӣ ин ҳамон террористу терроризм аст, аммо то ин замон шояд кам касоне шунидаанду медонанд, ки босмачиёну босмачигароҳои тоҷик (террористон) ҳамеша дар оғӯши нерӯҳои аҳриманӣ, бахусус терроризму фашизм, ҷой ҷӯстаанд.

Солҳои 90-уми асри гузашта одамон дар Тоҷикистон айни ҳамон ҷабру ситамеро аз наҳзату наҳзатиён мекашиданд, ки ҳанӯз сад сол қабл аз ин дар ҳамин сарзамин аз сӯйи босмачигариву босмачиён болои ҳамин миллат таҳмил шуда буд.
Мавзӯъи баҳси ин матлаб асосан якчанд факти таърихӣ ё омилҳои таҳлилианд, ки агар нек бингарем, пайвастагӣ ё ҳалқаҳои ногусастании босмачӣ, наҳзат ва терроризмро бармало мекунад.
“Босмачиён... ҳар як шахси хайрхоҳ ва нерӯи тарафдори ҳукумати навро нобуд мекарданд.
Дар ин талошҳо халқи ранҷбар бисёр нобуд мешуд, ки фоҷиа ҳам дар ҳамин буд. Ҳол он ки заҳматкашон бо босмачиён ҳеҷ гуна муносибат надоштанду нисбат ба онҳо дар дил тухми нафрату адоват мепарвариданд. Зеро босмачиён молу мулки онҳоро ба ғорат мебурданд, ҳар касеро, ки аз гуфтору рафтори эшон ҷонибдорӣ намекард, сар мебуриданд”.
Ин иқтибос баргирифта аз як таҳқиқи профессори тоҷик Атахон Сайфуллоев аст, ки дар яке аз нашрияҳои мӯътабар нашр шудааст. Аз руҳу равони устоди бузург узр мепурсему дар ин иқтибос ба ҷойи “босмачиён” калимаи “наҳзатиён”-ро мемонем. Ана ин тавр:

муфссал

 
<< Start < Prev 1 2 3 4 5 6 7 8 9 10 Next > End >>

Page 10 of 18
EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...