Home: Public relations
Tajik (CIS)Russian (CIS)English (United Kingdom)
VOTE
Аз кадом хизматрасонии сомонаи расмии Вазорати мудофиа қаноатмандед?
 
Statistics
Today50
Week216
This month7496
Only296477
Video

Forum

Public relations

ТЕРРОРИЗМ. ЗУҲУРОТЕ, КИ БОЯД РЕШАКАН БОШАД

14 09 2019

 

Густариши фаъолияти гурӯҳҳои террористиву ифротгароён рӯз ба рӯз характери фаромиллӣ ва глобалӣ ба худ касб намуда, хатари бузурге ба амнияти давлату миллатҳо оварда истодааст. Ин равандҳои номатлуб боиси ҷангу низоъҳои мазҳабӣ, шаҳрвандӣ ва байнидавлатӣ гардида, таҳдидҳои беамоне дар муқобили истиқлолияту ваҳдати миллатҳо менамояд. Чунин муносибат, бешак, таъсири манфии худро ба ҳаёти осоиштаи мардуми сайёра расонда, боиси бехонаву дар, Ватан-Модар, оилаву фарзанд, коштани тухми кинаву адоват байни дину мазҳабҳо ва халқу давлатҳо шудааст.  
Қувват ва густаришёбии ин «вабои аср» боиси азбайнравии истиқлолияти давлатҳо, ваҳдату дӯстӣ, косташавии фарҳангҳо, муносибатҳои дипломатӣ шудааст. Ҷаҳони муосир, ки дар давраи рушд ва навовариҳои илмию техникӣ қарор дорад, аз ҳар шахс зиракиву ҳушёрӣ ва дурандешию тафаккури амиқро талаб менамояд. Ҳақ ба ҷониби Пешвои дурандешу нуктасанҷи миллат аст, ки борҳо дар созмонҳои бонуфузи ҷаҳонӣ ҳангоми баромадҳояшон  ба ин «вабои аср» ишораҳо намуда, мегӯянд: «Терроризм ва экстремизм, аз як ҷониб, чун вабои аср хатари глобалии ҷиддӣ буда, аз ҷониби дигар, аъмоли он гувоҳ аст, ки террорист ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст». 

муфассал

 

ИФРОТГАРОӢ. ЗИРАКИИ СИЁСИРО АЗ ДАСТ НАДИҲЕМ

14 06 2019

 

Дар ҳоле, ки ҷаҳон ба суръати кайҳонӣ пеш меравад ва муборизаи абарқудратҳо ба хотири тақсими неъматҳои моддӣ ва сарватҳои табиӣ шиддат мегирад, хоҳ- нохоҳ он ба инсон ва рушди маънавияш таъсири манфӣ мегузорад. Ин вазъи ногувори сайёра ҳар инсони солимақлро водор месозад, ки ҳақиқатро возеҳу рӯшан дарёбаду дигарон, хосса ҷавононро дуруст раҳнамоӣ бинамояд.
Асри навин бо ҷангу ҷидол, моҷароҳои сиёсиву мазҳабӣ, куштору сӯхтору ғорат ва талафоти ҷонӣ аз ҳамаи асрҳои дигар ба маънии манфиаш тафовут дорад. Дар як муддати кӯтоҳ шумораи қурбониёни ин ҳодисаҳои номатлуб ба миллионҳо нафар расидааст. Илм, техникаву технологияи навтарин, иттилоот, иқтисодиёт, дин ба хотири иҷрои ғаразҳои нопок, харобӣ, зӯроварӣ, бартариҷӯӣ истифода мешаванд.
Дар бархе аз кишварҳои мусулмоннишин одамони бегуноҳ, хосса занону кӯдакон, ҷони азизи худро аз даст додаанд. Шаҳрҳову ёдгориҳои  қадима сӯхтаву хароб гардидаанд. Умед бар он намеравад, ки ин оташи афрӯхтаро дар солҳои наздик хомӯш кардан мумкин аст.

муфассал

 

БОСМАЧИЁНУ НАҲЗАТИЁН - ҲАМТАБОРОНИ МАЪНАВӢ

14 05 2019

 

Ҳадафи ба мавзӯи босмачигарӣ рӯ овардани донишмандони андешавар барои бозшиносии таърихи воқеиву на чандон дури сарзамини тоҷикон ва дар ин замина, шинохти некхоҳону бадхоҳони саргузашти раҳоии тоҷикон аз вопасмониҳои асримиёнагӣ мебошад. Баргашт ба мавзӯи босмачигарӣ замонавӣ ва дархӯри аҳамият мебошад ва рӯзноманигори шинохта Абдулқодири  Раҳим кори хуберо анҷом додааст, ки бо профессор Иброҳим Усмонов рӯйи саҳифаҳои рӯзномаи серхонандаи «Ҷумҳурият» қалам бар бозкушодани ногуфтаҳои таърих бурдаанд. Имрӯз гурӯҳакҳои ба хориҷи кишвар гурехтаи ТТЭ ҲНИ, аз норавшании рӯйдодҳои Осиёи Марказӣ дар солҳои 1920 - 1935 кор гирифта, босмачиёнро муборизони нокоми озодии миллати тоҷик менамоёнанд ва ба ин васила, мехоҳанд сияҳкориҳояшонро дар назди «спонсорҳои» хориҷии худ давоми озодихоҳӣ бознамоён созанд.
Ин воқеият ошкор аст, ки босмачигарии 90 сол пеш дар партовгоҳи таърих барафканда, дигар акнун пӯсидааст ва огаҳон медонанд, ки сабаби заволи босмачиён маҳрум буданашон аз дастгирии мардум мебошад. Мардуми Осиёи Марказӣ, бавижа тоҷикон, аз ҳукуматрониҳои сулолаи манғития, ки ба табиати онҳо бегона буданд, сахт ранҷ мебурданд ва ҳамин буд, ки дар сарзамини кӯҳнишинон, аз ҷумла Ховалингу Балҷувон, Муъминободу Кӯлоб, Дашти Ҷуму Мастчоҳ, деҳқонон пайваста бар зидди гумоштагони манғития бо силоҳ бармехостанд. Онҳо аз ёд набурда буданд, ки ба шӯришиёни Восеъ қавмҳои дар қамишзорон маскан гирифта аҳдшиканӣ карда, бо ишораи ҳокими маҳаллии манғиттабор силоҳҳои худро ба самти восеътанон баргардонданд. Онҳо ҳамеша дар ёд доштанд, ки дар сари роҳи тиҷораташон, ба  Кӯлобу Янгибозор (Ваҳдати имрӯза), ки аслан ба бозор баровардани меваҳои тару хушки боғҳояшон, зираву зелоли теппаҳо ва ҳосили киштаҳояшон буд, чаповулгарон аз миёни қамишзорҳо ҳамвора ҳамла мебурданд, вале ҳокимони манғитӣ худро ба  нодонӣ зада, ҳиссае аз он «ӯлҷа» - ҳояшонро бо духтари 12 - сола ва писарбачаи  9 - сола ба амири Бухоро подош мебурданд. Амири Бухоро ва гумоштагони ӯ дар музофотҳо тороҷгарони дар қамишзорон паноҳбурдаро барои тарс коштан дар байни деҳқонон ва пешгирӣ аз қиёмҳояшон ҳамвора ба кор мебурд.

муфассал

 

ДУ СОЛ ДАР ЯК НАФАС

06 05 2019

Хизмати ҳарбӣ мактабест, ки бо шомил гардидан ба он ҷавонон натанҳо дарси мардонагӣ ва далериву шуҷоат дар дифои марзу буми ватанро меомӯзанд, балки дар он сарбозон махсусиятҳои хизмати ҳарбӣ, муқаррароти ойинномавӣ, риояи тартиботу интизоми ҳарбӣ ва пеш аз ҳама кор бо силоҳу муҳиммот, сохт, таркиб ва хислатҳои тактикиву ҷангии онро аз худ менамоянд. Мавзуву масъалаҳои омӯхта дар хизмати низомиро ҷавонон минбаъд низ бо роҳи ширкат дар ҷамъомадҳои гуногуни ҳарбӣ ва машғулиятҳои омодагии сафарбарӣ такмил медиҳанд. Зеро, онҳо пас аз анҷоми хизмат ҳайати захираҳои эҳтиётии Артиши миллиро пурра менамоянд.

Аз ин бармеояд, ки як ё 2 соли хизмати ҳарбӣ ҷавонони ватанро барои чандинсолаҳои дигар дар ҳолати омодабош будан тарбия менамояд. Аз тарзу усули амали сарбозон дар майдони таълимии қисми ҳарбии 04533-и гарнизони Суғд маълум аст, ки онҳо нозукиҳои хизмати ҳарбиро сарбаландона аз худ намуда, барои ҳамеша омода будан дар хизмат ба халқу ватан сабақи бузурге гирифтаанд.

Дар машғулиятҳои тактикии он рӯза аз ҷониби гурӯҳи хурди сарбозони ин қисми ҳарбӣ амали сарбоз дар набард ҳангоми ҳаракат дар майдони ҷанг нишон дода шуд. Ба таври пиёда амал кардан дар ҳуҷум ва барин васила несту нобуд намудани қувваи душман ҷузъиёти асосии матлабро фаро мегирифт, ки сарбозон дар иҷрои чунин амалҳо таҷрибаи хуб нишон доданд. Дар рафти машғулиятҳо ҳайати иштирокчиёни он навъҳои гуногуни силоҳу муҳиммоти ҷангӣ, аз қабили автомат Калашников, милтиқи мергании Драгунов, яъне Снайпер ва норинҷаки дастии зиддитанкӣ истифода намуданд.

муфассал

 

ХУСУСИЯТХОИ ТЕРРОРИЗМУ ЭКСТРЕМИЗМ ВА РОХХОИ МУБОРИЗА БО ОН

06 05 2019

Мушкилӣ ва хатари рақами 1-и ҷомеаи имрӯзаи ҷаҳон терроризм мебошад. Террор моҳиятан таърихи куҳан дорад. Ҳатто таърихи он бо пайдоиши ҷамъият баробар аст. Аммо вобаста ба шароит ва ҳолатҳо террор дар шакл ва сатҳҳои гуногун амалӣ карда мешуд. Дар баъзе ҳолатҳо амалиёти террористӣ дар зери шиорҳои роҳ ба сӯи озодию адолат сурат мегирифтанд.

Имрӯз ҳодисаҳои таърихии ба ҳамагон маълуме ҳастанд, ки ҳамчун амали ҷавонмардона сабт шудаанд, вале гурӯҳҳое ҳастанд, ки онҳоро ба ҳаракатҳои террористӣ шабоҳат медиҳанд. Чунин мушкилӣ дар шароити имрӯза чандон кам нагаштааст. Шояд сабаби инро баъзеҳо дар тобиши илмии нокомил ёфтани мафҳуми «террор» ва «терроризм» донанд, вале дар асл чунин нест. Дар аксарият адабиёти муосири илмӣ амалиёти террористии замонро бо манфиатҳо ва ҳадафҳои сиёсӣ пайваст медонанд, танҳо дар зери ниқоби масъалаҳои динию мазҳабӣ, миллию сарҳадӣ ва ғайра арзи ҳастӣ мекунанд. Тибқи маълумоти оморӣ дар ду рӯз як маротиба дар ин ва ё он гӯшаю канори дунё амали террористӣ рух медиҳад. Қишрҳои гуногуни ҷомеа шуруъ аз олимону сиёсатмадорон то ба шаҳрвандони одӣ атрофи терроризм ҳадс мезананд.

Президенти кишвар муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон оид ба терроризм ва экстремизм чунин ибрози андеша намуд: «Рӯйдодҳои охири ҷаҳон, яъне боз ҳам тезутунд гардидани вазъ дар Шарқи Наздик, Осиё, Африқои Шимолӣ, Аврупо ва дигар минтақаҳои дунё нишон медиҳанд, ки терроризм ва экстремизм ба хатарҳои аввалиндараҷаи ҷаҳони муосир табдил ёфтаанд. Терроризм на миллат дорад, на дин ва на ҳудуд. Маҳз ҳамин нишондиҳанда мубориза бо онро боз ҳам мушкилтар мекунад».

муфассал

 

НАТИҶАГИРӢ АЗ ФАЪОЛИЯТИ СЕМОҲАИ ВАЗОРАТИ МУДОФИА

06 05 2019

Аз 23-юм то 28-уми апрели соли равон дар машқгоҳи Фахрободи гарнизони Хатлон, бо ҷалби ҷузъу томҳои Қувваҳои Мусаллаҳи Ҷумҳурии Тоҷикистон ва Ҷумҳурии Ӯзбекистон тамринҳои муштарак доир гардид. Баҳри пурзӯр намудани интизоми ҳарбӣ, риояи қонунияту тартиботи ҳуқуқӣ, тақвият бахшидан ба сатҳи тайёрии ҷангӣ ва дар самти боз ҳам баланд бардоштани қудрати дифоии кишвар аз ҷониби ҳайатҳои роҳбариву фармондеҳии Вазорати мудофиаи мамлакат тадбирҳои судманд амалӣ карда мешаванд.

Бо ин мақсад дар толори асосии Вазорати мудофиаи кишвар бо иштироки роҳбарияти ин ниҳоди қудратӣ, ҳайати шахсии Дастгоҳи марказиву Ситоди генералӣ, масъулини навъҳои қӯшун, комиссариатҳои ҳарбӣ ва дигар шахсони масъул ҷамъомад доир гардид. Дар ҷамъомади мазкур нахуст аз дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти Вазорати мудофиа таъкид намуданд, ки бо назардошти пешравиҳои ҷомеаи муосир, вазъи зудтағйирёбанда дар минтақа ва кишварҳои ҷаҳон, ҳамзамон вобаста ба таҳдиду хатарҳои эҳтимолӣ мо набояд зиракии сиёсӣ, омодабошии доимии ҷангӣ ва масъулияти ба зимма доштаро аз даст диҳем. Балки бо эҳсоси баланди ватандӯстӣ вазифаи муқаддаси хешро сарбаландона иҷро намоем.

Ҳамзамон роҳбарияти Вазорати мудофиа бо таҳлилу баррасии фаъолияти ҳамаҷонибаи ҳар як раёсат, шуъбаву хадамоти алоҳидаи Дастгоҳи марказиву Ситоди генералӣ ва навъи қӯшунҳо қатъӣ супориш доданд, ки ба масоили пурзӯр намудани интизоми ҳарбӣ, ҳифз ва ҳимояи шаҳрчаҳои низомӣ, пурра аз байн бурдани рафторҳои ғайриойинномавӣ, сари вақт мусоидат намудан ба ҳалли ҳама мушкилоти афсарону сарбозон дар қисмҳои низомӣ, ғамхории ҳамаҷониба зоҳир намудан ҳангомӣ аз бар кардани барномаҳои рӯзмарраи таълимӣ, самаранок истифода намудани маблағҳои буҷетӣ, рушди хоҷагиҳои ёрирасон, саҳмгузорӣ дар корҳои ободонӣ ва баҳри ташкилу баргузор намудани дигар чорабиниҳои соҳавӣ, бо масъулияти баланд таваҷҷуҳ зоҳир карда шавад.

муфассал

 

АЗ КОРРУПСИЯ ҲАЗАР МЕБОЯД КАРД!

06 05 2019

Агар ҳар нафар вазифаи иҷтимоӣ, масъулияти касбӣ ва муҳим аз ҳама қарзи инсонии худро иҷро кунад, барои пешрафти ҳаёти ҷомеа ва давлат монеае вуҷуд дошта наметавонад ва муаммое бунёд намегардад.

Падидаи номатлубе, ки дар бисёр маврид инсофу адолатро аз миён мебарад, ин ришваву ришваситонӣ ё ба тарзи дигар гӯем, амали коррупсионӣ мебошад. Ришвахӯрӣ падидаи нав набуда, дар ҳар давру замон нишонаҳои он аён мегардид. Одатан амалҳои коррупсионӣ аз ҷониби табақаи миёнаву болоии ҷомеа, яъне онҳое, ки сари вазифаи давлатӣ буданд, барои иҷрои амале, ки мардуми одӣ тавонашро надоштанд, сурат мегирифт, аммо рафта-рафта ин раванд мураккаб гардид. Имрӯз мардуми одӣ худ амалҳои коррупсиониро бунёд мекунанд.

Коррупсия ва андешаҳои коррупсионӣ ба шуури ҷомеа чунон ҷой гирифтааст, ки мардуми одӣ ва онҳое, ки дар ҷомеа пешсаф будан мехоҳанд, дар аксар маврид заҳмат кашиданро хуш надоранд, балки онро бенатиҷа меҳисобанд. Маҳз амалҳои коррупсионӣ мардуми меҳнатдӯстро танбал ва ҷавононро дилсард мекунад. Матбуоти кишвар баъзан зери сарлавҳаи “Фирори мағзҳо аз ватан” мақолаҳо нашр мекунад, ки сабаби асосии “фирори мағзҳо”-ро дар ноадолатии аз амали коррупсионӣ бамиёномада медонанд. Дар асл ришваву ришваситонӣ натанҳо зарари иқтисодӣ меорад, балки ба буҳрони ақливу зеҳнӣ низ бурда мерасонад. Ин аст, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмома-лӣ Раҳмон дар тамоми баромадҳояш барои пешгирии ин амали номатлуб ба масъулин супоришҳои махсус медиҳанд ва аз мавҷудияти амалҳои коррупсионӣ дар ҷомеа бо таассуф ҳарф мезананд.

муфассал

 

МАШҚҲОИ РОТАВӢ-ТАКТИКӢ ДАР ФАХРОБОД

03 05 2019

Дар асоси нақшаи ягонаи омодагии ҷангӣ дар Қувваҳои Мусаллаҳ, бо мақсади баланд бардоштани омодабошии ҷангии ҳайати шахсии қисмҳои ҳарбии Вазорати мудофиа ва навъҳои қӯшуни он дар пойгоҳи ҳарбии Фахробод машқҳои муштараки ротавӣ-тактикӣ ташкилу ба роҳ монда шуд. Зимни баргузории машқҳои низомӣ афсарону сарбозони иштирокчӣ маҳорати хуби ҷангӣ нишон дода, дар иҷрои вазифаҳои пурмасъули низомӣ ва уҳдадориҳои дар машқгоҳ бар дӯш дошта, басо ҳам серталош буданд.

Бояд қайд кард, ки дар ин тамринҳои муштарак ҳайати шахсию фармондеҳӣ ширкат варзида, ҳамзамон техникаҳои вазнини низомӣ, аз қабили мошинҳои зиреҳпӯши ҷангӣ, ҷузъу томи таъйиноти махсус, кашшофиву мина-ҷӯйӣ ва десантчиёни Бригадаи ҳамлаовари десантии Нерӯҳои зудамали кишвар низ ҷалб гардида буданд.

Ба андешаи масъулини фармон-деҳии машқҳо ва роҳбарони машғулиятҳо мақсади асосии ташкилу роҳандозӣ намудани тамринҳои навбатӣ, ин пеш аз ҳама омодагии дастаҷамъона бар зидди ҳамагуна зуҳуроти номатлуби ҷаҳони муосир, ба монанди терроризм ва экстремизм мебошад. Ҳамин тавр, дар майдони машқу омӯзиш пеш аз ҳама гурӯҳи кашшофони ҳарбӣ ба иҷрои вазифаҳои хизматӣ ҷалб гардида, пас аз муайян намудани мавзеи ҷойгиршавии душманонии шартӣ ҳайати шахсӣ бо истифода аз силоҳу техникаҳои вазнини ҷангӣ ба амалиёт шурӯъ намуданд, ки гӯё дар натиҷаи муноқишаҳои мусаллаҳона душманони эҳтимолӣ маҳв карда шуданд.

муфассал

 

САЙҚАЛИ ТАҶРИБАИ НИЗОМИЁНИ ТОҶИКИСТОНУ ӮЗБЕКИСТОН

03 05 2019

Меҳмонони низомӣ аз Артиши Ҷумҳурии Ӯзбекистонро намояндагони Вазорати мудофиаи Ҷумҳурии Тоҷикистон самимона истиқбол намуданд. Сипас ҳайати меҳмонон аз шароити хизмативу майишии дар ин машқгоҳ муҳайёбуда, аз наздик шинос гардиданд.

Мувофиқи унсурҳои ҷадиди ба матлаби тамринҳо равона гардида, гӯиё яке аз биноҳои таълимии машқгоҳи мазкурро душманони шартӣ ба гарав мегиранд ва низомиёни Артиши миллии Тоҷикистон тариқи иҳотаи ҳудуди бино, вориди он гардида, ба амалиёти несту нобудсозии душмани шартӣ шурӯъ менамоянд.

Ин унсури машқҳоро низомиёни Артиши миллии Ҷумҳурии Ӯзбекистон низ дар сатҳи баланд иҷро намуданд. Ҳамзамон низомиёни ҳарду кишвар дар ҳамоҳангӣ баҳри несту нобуд кардани душманони шартӣ ба амалиёт шурӯъ намуданд, ки ҳадафи аслии тамринҳои низоми низ ин таҷрибаомӯзӣ аз ҳамдигар маҳсуб меёфт. Дар воқеъ бояд чунин ҳам бошад, зеро таҷрибаомӯзӣ намудан аз ҳамдигар ва ба ин васила истодагарӣ намудан бар зидди ҳама гуна зуҳуроти аср, аз қабили террориризму ифродгароӣ вазифаи ҳама шаҳрвандони ҷомеи муосир маҳсуб меёбад.

муфассал

 

Ғаразҳои бадхоҳон ва нокомиҳои навбатии роҳбарашон

03 05 2019

Аслан ба ҳар гуна ҳарза ҷавоб додан хуб нест, аммо ҳолате мешавад, бояд ба баъзе муддаиёне, ки даъвоҳои хешро аз номи миллат ва халқ баён медоранд, чизе бигӯйӣ. Баромади роҳбари ҳизби дар Ҷумҳурии Тоҷикистон мамнуъ эълон шудаи наҳзати ислом аз зумраи онҳост.

Ман намехоҳам, мисли роҳбари ҳизби дар Ҷумҳурии Тоҷикистон мамнуъ эълон шудаи наҳзати ислом суханрониҳои беасос ва дуру дароз намоям, мехоҳам мухтасару кӯтоҳ нисбати гуфтаҳои ботили ӯ рӯшанӣ андозам, то ин гумроҳзада, мардумро бо баромадҳои иғвоангезонааш ба гумроҳӣ набарад. 
Аввалин даъвои фитнаангезонаи роҳбари ҳизби мамнуъгаштаи наҳзати ислом он аст, ки «ҷумҳурӣ дар руйхати 25 давлати кашшоқӣ ҷаҳон қарор дорад. Дар соли 2015 буҷаи кишвар 3,5 миллиард доллар дошт, ки дар соли ҷорӣ ба 2,5 миллиард поён фаромад. Ҳукумат барои баланд нишон додани буҷаи кишвар 2,5 миллиард долларро ба сомонӣ ҳисоб карда, барои рӯйпӯш намудани камбудиҳои ҷойдошта, ба мардум 20 миллиард сомонӣ гуфта, пешниҳод намудааст».
Дар ҷаҳон мамлакатҳои зиёде мавҷуданд, ки аз лиҳози тараққиёт ва пешрафт дар сатҳи олӣ қарор доранд, вале мутаассифона дар равиши масъалаи иқтисодӣ, қарзҳои гарон низ доранд. Мисоли ин гуфтаҳо кишвари Амрикост, ки қарзи ӯ марзи 22 триллион долларро убур кардааст. Пас аз ин гуна хулосабарориҳои бемантиқи роҳбари ҳизби мамнуъгаштаи наҳзати ислом, кишвари Амрико дар ҳолати қашшоқӣ қарор гирифтааст? Кишвари Амрико, бо вуҷуди ин қадар қарз, 32% аҳолии дунёро тавассути молиёт кӯмак карда истодааст. Аз ин рӯ, муомилаи қарзгирӣ ва додани он хоси давлату давлатдорӣ мебошад. Ҳатто ҳамон давлате, ки дар он ту паноҳандагӣ дорӣ аз мушкилотҳои рӯзмарраи иқтисодӣ холӣ нест. Масалан, кишвари Олмон, ки ту онҷо, тавассути хоҷагонат сару садо дорӣ, қарзаш зиёда аз 5 триллион доллари ИМА-ро ташкил медиҳад. Ту имрӯз худро ҳамадону таҳлилгар тарошидаӣ, чаро дар баромадат ин рақамҳоро ба забон намеорӣ?

муфассал

 

ПАЁМ ДАР ТАҲКИМИ ДАСТОВАРДҲОИ СИЁСАТИ ХОРИҶӢ НАҚШИ КАЛИДӢ ДОРАД

17 04 2019

 

Бисёр соҳибназарон мавқеи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар сиёсати хориҷӣ, муносибат бо кишварҳои минтақаву ҷаҳон ҳамчун як мавқеи хос, устувор, ташаккулёфтаву фарқкунанда эътироф мекунанд.
Ин нукта, зимни як ҳамоиш дар шаҳри Душанбе, ки ба мавзӯи «Сиёсати хориҷии Ҷумҳурии Тоҷикистон дар партави Паёми Президенти Ҷумҳурии Тоҷикистон ба Маҷлиси Олӣ» ихтисос ёфта буд, садо дод. Дар нишаст, ки бо ибтикори Маркази тадқиқоти стратегии назди Президенти Ҷумҳурии Тоҷикистон баргузор гардид, намояндагони вазорату идораҳо, марказҳои илмӣ – таҳқиқотӣ, пажӯҳишгарону коршиносон иштирок доштанд.

муфассал

 

ТЕРРОРИЗМ. ТАҲДИД БА ҶОНИ ҲАР СОКИНИ САЙЁРА

15 04 2019

 

Ҳанӯз чанд сол пеш бо дарки вазъи ногувор дар ҷаҳон ва шиддат ёфтани ҷангҳои мусаллаҳона Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таъкид иброз доштанд: «Террорист ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст». 
Ин дар ҳоле буд, ки густариши ин зуҳуроти номатлубу фалокатборро ба дин ва мазҳаб, хосса дини ислом, алоқаманд медонистанд. Бешак, мақсадҳои нопоку ғаразҳои бади сиёсии худро мехостанд бибароранд. Инчунин, ба ин васила дини мубини ислом ва мазҳабҳои ростини онро доғдор бисозанду ба ҷаҳониён бад, балки бисёр бад вонамуд бисозанд. Дар асл ислом рӯшану возеҳ ва қотеона дар муқобили ин вабои асри навин сухани худро гуфта ва мавқеи дурусту пойдори худро ошкор сохтааст: «Ва ҳар кас муъминеро аз рӯи амд (қасдан) ба қатл бирасонад, кайфараш (подошаш, ҷазояш) дӯзах аст, ки дар он ҷовидона мемонад ва Худованд бар ӯ ғазаб мекунад ва ӯро аз раҳматаш дур месозад ва азоби бузургеро барои ӯ омода сохтааст».
Ба таҳқиқ, қотилу мақтул – ҳар ду дар оташи дӯзаханд. Оре, мақтул низ қотил шуда метавонист, агар бар ҳарифи худ дар ин маврид даст меёфту ғолиб мегардид.

муфассал

 
<< Start < Prev 1 2 3 4 5 6 7 8 9 10 Next > End >>

Page 1 of 10
Subscribe to us!

EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

Minister of Defense
of the Republic of Tajikistan

Colonel-General Sherali Mirzo
Sport

Trading platform