Public relations

ГУЗАШТИ ҲАРБӢ БА МУНОСИБАТИ 25-СОЛАГИИ ТАЪСИСИ ГВАРДИЯИ МИЛЛӢ

07 09 2020

3 сентябр дар пойгоҳи Гвардияи миллӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар гузашти ҳарбӣ ба муносибати 25-солагии таъсисёбии Гвардияи миллии Ҷумҳурии Тоҷикистон иштирок ва дар назди афсарону сарбозони Қувваҳои Мусаллаҳи мамлакат суханронӣ карданд.
Ба Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон фармондеҳи Гвардияи миллии Ҷумҳурии Тоҷикистон Бобоҷон Ҷамолзода оид ба омодагии ҷузъу томҳо гузориш дод.
Баъди иҷрои Суруди миллӣ аз ҷониби афсарону сарбозон, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар назди иштирокчиёни гузашти ҳарбӣ бо нутқи пурмуҳтаво баромад намуда, ҳозирин ва дар симои онҳо тамоми мардуми шарафманди кишварро ба муносибати 25-умин солгарди таъсисёбии Гвардияи миллии Ҷумҳурии Тоҷикистон табрику таҳният намуда, оид ба ҳамаи комёбиву дастовардҳои беназири давлати соҳибистиқлол, рушду камоли артиш ва доир ба пуриқтидор гардидани Гвардияи миллӣ суханронӣ карданд.

муфассал

 

ШИКОРИ КӮҲӢ: САЙЁҲИЕ, КИ РУШД МЕХОҲАД

07 09 2020

Тоҷикистон чун макони зисти гӯсфандони кӯҳии Марко Поло (архарҳо) шинохта шуда, барои рушди сайёҳии шикор мувофиқ арзёбӣ мегардад. Ғайр аз ин, дар ҳудудҳои табиии ҳифзшавандаи мамлакат навъҳои гуногун ва нодири ҳайвонот мавҷуданд, ки ҳазорҳо дӯстдорони шикорро ҷалб менамоянд.

Ҳифз ва популятсияи гӯсфанди Марко Поло, бузи пармашох, гавазни кӯҳии бухороӣ, хирси бӯр ва дигар намуди ҳайвоноти нодир имкон медиҳанд, ки дар ҷумҳурии мо шикори ин навъи ҳайвонот ба роҳ монда шавад. Тибқи иттилои Кумитаи ҳифзи муҳити зисти назди Ҳукумати Ҷумҳурии Тоҷикистон, дар кишвар саршумори архарҳои помирӣ то 9 ҳазору 592 сар афзудааст. Саршумори бузҳои пармашох то 711 сар, гавазнҳои кӯҳии бухороӣ  408 ва палангҳои барфӣ 156  сар зиёд шудааст.
Бояд гуфт, ки шикор яке аз навъҳои сайёҳӣ ба ҳисоб рафта, дар Тоҷикистон аз ҷониби ширкатҳои сайёҳии ватанӣ ва хориҷӣ роҳандозӣ мешавад. Барои шикори ҳайвонот, тибқи қонунгузорӣ аз ҷониби Ҳукумати мамлакат ҳамасола квота ҷудо мегардад. Мутобиқи иттилои кумита, барои ташкили шикор дар давраи солҳои 2020-2021 барои шикори 140 сар ҳайвони ваҳшӣ, аз ҷумла бузи пармашох – 12, гавазни кӯҳии бухороӣ – 11, гӯсфанди Марко Поло - 105 ва хирси бӯр 12 квота ҷудо шудааст.

муфассал

 

ҲХДТ НОМЗАДИИ ПЕШВОИ МИЛЛАТ МУҲТАРАМ ЭМОМАЛӢ РАҲМОНРО БА МАҚОМИ ПРЕЗИДЕНТИ ТОҶИКИСТОН ПЕШБАРӢ НАМУД

07 09 2020

3 сентябр   дар Кохи Борбад Анҷумани XIV Ҳизби Халқии Демократии Тоҷикистон баргузор гардид, ки дар он вакилон, аъзои раёсати Кумитаи иҷроияи марказӣ, фраксияи Ҳизби Халқии Демократии Тоҷикистон дар парлумон, намояндагони ташкилотҳои ҷамъиятӣ, Комиссияи марказии интихобот ва раъйпурсии Ҷумҳурии Тоҷикистон, роҳбарони як қатор сохтору идораҳо, кормандони масъули дастгоҳи Кумитаи иҷроияи марказӣ, кумитаҳои иҷроияи ҳизб дар вилоят ва шаҳру ноҳияҳо, намояндагони воситаҳои ахбори оммаи ҳизбӣ, аъзои фаъоли ҳизб ва Ташкилоти ҷамъиятии ҷавонон «Созандагони Ватан» ширкат варзиданд.
Раиси дастгоҳи ҲХДТ Абдураҳмон Хонов ба хабарнигори АМИТ «Ховар» иттилоъ дод, ки дар анҷуман аз тарафи вакил Зубайда Шарипова, директори мактаб - интернати № 3 барои кӯдакони имконияташон маҳдуди шаҳри Душанбе, номзадии Асосгузори сулҳу ваҳдати миллӣ – Пешвои миллат, Раиси Ҳизби Халқии Демократии  Тоҷикистон  муҳтарам Эмомалӣ Раҳмон ба мансаби Президенти Ҷумҳурии Тоҷикистон пешбарӣ гардид, ки он аз ҷониби ҳамаи  вакилони анҷумани XIV якдилона ҷонибдорӣ ёфт. Инчунин, Низом Қосим, раиси Иттифоқи нависандагони  Тоҷикистон, Шукурҷон Зуҳуров, собиқадори ҳизб, Абдумубин Абдушукуров, директори корхонаи саноатии “ЗиревЭко” - и шаҳри Хуҷанд, Гулбарг Боқиева, роҳбари маркази ҳунармандии “Чирадаст”- и ноҳияи Муъминобод, Гулнора Тайғунова, раиси Кумитаи иҷроияи ҲХДТ дар ноҳияи Шуғнон, Саидбек Мирзомиддинов, роҳбари қабулгоҳи ҷамъиятии ҲХДТ дар шаҳри Москваи Федератсияи Россия ва дигарон (тариқи онлайн) изҳори назар карда, пешбарӣ гардидани номзадии Эмомалӣ Раҳмонро ба мансаби Президенти Ҷумҳурии Тоҷикистон ҷонибдорӣ намуданд.

муфассал

 

Сиёсати давлатӣ дар соҳаи дин аз чӣ маншаъ гирифтааст?

 

07 09 2020

Дин ва масъалаҳои марбут ба он, бо дарназардошти ҳаводиси ҷаҳони муосир, ҳамеша таваҷҷуҳбарангез буда, мунтазам дар сархати расонаҳо қарор дорад. Ҳарчанд баъзе аз ташкилотҳои мазҳакаофар бо сафсатапароканӣ дар мавриди озодиҳои динӣ «офтобро бо доман пӯшонидан» мехоҳанд, вале баланд будани сатҳи диндории сокинони кишвар далели бебаҳс аст.

Ин андешаи инфиродии банда набуда, натиҷаи пажӯҳиши нашрияи британии «The Telegraph», ки тибқи он, сатҳи диндории шаҳрвандони Ҷумҳурии Тоҷикистон миёни кишварҳои Осиёи Марказӣ баландтарин — 85 фоиз арзёбӣ гардид, мебошад.
Дар ин самт иқдомоти зиёд амалӣ шуданд, ки бо ташаббуси Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон таҷлил намудани 1310-солагии Имоми Аъзам ва Соли бузургдошти ин шахсияти бузурги олами ислом эълон шудани соли 2009, баргузории ҳамоиши байналмилалии «Имоми Аъзам ва ҷаҳони муосир», таҷлили ҷашну санаҳои таърихии мутафаккирон ва шахсиятҳои бузурги диниву фарҳангӣ, аз ҷумла, Мир Сайид Алии Ҳамадонӣ, Мавлоно Ҷалолиддини Балхӣ ва дигарон шаҳодати гуфтаи болост. Илова бар ин, ҳамчун рӯзҳои иди миллӣ таҷлил гардидани идҳои Рамазон ва Қурбон, пойтахти фарҳанги исломӣ интихоб шудани шаҳри Душанбе, таъсиси Маркази исломшиносӣ дар назди Президенти мамлакат, додани мақоми давлатӣ ба Донишкадаи исломии Тоҷикистон ба номи Имоми Аъзам — Абӯҳанифа Нӯъмон ибни Собит ва ғайра.

муфассал

 

ХОВАЛИНГ – САЙРГОҲИ САЙЁҲОН

07 09 2020

 

Ховалинг гӯшаи хушобу ҳаво ва зебоманзару бостонии сарзамини тоҷикон буда, дар қисми ҷанубии ҷумҳурӣ, дар саргаҳи вилояти Хатлон воқеъ аст. Масофа аз шаҳри Душанбе то Ховалинг 280 километрро ташкил медиҳад. Ҳудуди ноҳия яке аз қадимтарин гӯшаҳои Осиёи Марказӣ буда, тибқи тадқиқоти бостоншиносӣ таърихи бештар аз миллионсола дорад.
Ноҳия ёдгориҳои зиёди таърихию фарҳангӣ ва табииро маҳфуз дошта, сарзамини адабу фарҳангсоз ва осорхонаи таъриху табиат дар ҳавои кушод маҳсуб меёбад. Қаламрав дар қарнҳои пеш бо номи Мунк ёд мешуд. Маркази воҳа шаҳри калонтарини Хатлонзамин - Мунк буд. Ин шаҳр дар таҳдашти Ховалинги имрӯза доман густурда, мавзеи калонеро дар бар мегирад ва имрӯз таҳҷои регистону шаҳристонаш дар ҳудуди деҳаҳои Хонақо ва шаҳри Мунк воқеъ мебошад. Ободии шаҳри Мунк асрҳои IX – XII – ро дар бар гирифта, ёдгориҳои он аз асрҳои I – IV – и пеш аз мелод ва аз ин ҳам пешро башорат медиҳанд. Номи Ховалинг дар сарчашмаҳои таърихӣ дар асрҳои XVI – XVII вомехӯрад.
Шаҳраки Ховалинг гӯшаи зебоманзару чашмасори Мунки куҳан буда, дар қисми офтоббарои он ҷойгир аст. Дар ҳудуди Ховалинг 5 сангтӯда, маъбади Буддоии Чепол ва садҳо таҳҷои кӯшку қалъа ва дигар ёдгориҳои таърихию табиӣ воқеъ гаштаанд.
Дараи Мухтор яке аз гӯшаҳои зебоманзару муқаддаси Ховалинг буда, дар ин ҷо қаҳрамони халқи тоҷик – Восеъ соли 1841 ба дунё омада, камол ёфтааст.
Мазори Ҳазрати Султон Увайси Қаранӣ гӯшаи дигари зеботабиату боғановати Ховалинг аст. Ин ҷо оромгоҳи яке аз симоҳои барҷастаи олами Ислом ғоибан дӯсту ҳамзамони Пайғамбари Ислом (с) Ҳазрати Султон Увайси Қаранӣ мавҷуд буда, дар байни мардуми мусулмони кишвар ва берун аз он маҳбубият дорад ва ҳар рӯз эътиқодмандони зиёд ин оромгоҳро зиёрат мекунанд. Имрӯз мавзеи Мазори Ҳазрати Султон обод аст. Мақбара, меҳмонхона, масҷиди калон, кат, бошишгоҳҳои зиёд ва дигар иншооти хурду калони ин ҷо зебову дилрабоянд.

муфассал

 

“Хуни ҳаром”. Андар баёни далоили таърихии пайванди босмачӣ-наҳзатӣ-терроризм, ки илм исбот кардааст

28 08 2020

Амалан, илм исбот кардааст, ки босмачӣ ё босмачигароӣ ин ҳамон террористу терроризм аст, аммо то ин замон шояд кам касоне шунидаанду медонанд, ки босмачиёну босмачигароҳои тоҷик (террористон) ҳамеша дар оғӯши нерӯҳои аҳриманӣ, бахусус терроризму фашизм, ҷой ҷӯстаанд.

Солҳои 90-уми асри гузашта одамон дар Тоҷикистон айни ҳамон ҷабру ситамеро аз наҳзату наҳзатиён мекашиданд, ки ҳанӯз сад сол қабл аз ин дар ҳамин сарзамин аз сӯйи босмачигариву босмачиён болои ҳамин миллат таҳмил шуда буд.
Мавзӯъи баҳси ин матлаб асосан якчанд факти таърихӣ ё омилҳои таҳлилианд, ки агар нек бингарем, пайвастагӣ ё ҳалқаҳои ногусастании босмачӣ, наҳзат ва терроризмро бармало мекунад.
“Босмачиён... ҳар як шахси хайрхоҳ ва нерӯи тарафдори ҳукумати навро нобуд мекарданд.
Дар ин талошҳо халқи ранҷбар бисёр нобуд мешуд, ки фоҷиа ҳам дар ҳамин буд. Ҳол он ки заҳматкашон бо босмачиён ҳеҷ гуна муносибат надоштанду нисбат ба онҳо дар дил тухми нафрату адоват мепарвариданд. Зеро босмачиён молу мулки онҳоро ба ғорат мебурданд, ҳар касеро, ки аз гуфтору рафтори эшон ҷонибдорӣ намекард, сар мебуриданд”.
Ин иқтибос баргирифта аз як таҳқиқи профессори тоҷик Атахон Сайфуллоев аст, ки дар яке аз нашрияҳои мӯътабар нашр шудааст. Аз руҳу равони устоди бузург узр мепурсему дар ин иқтибос ба ҷойи “босмачиён” калимаи “наҳзатиён”-ро мемонем. Ана ин тавр:

муфассал

 

ӮРО ГИРОМӢ ДОРЕД! БОЗ ЯК ҶАСОРАТИ ПЕШВОИ МИЛЛАТ МУҲТАРАМ ЭМОМАЛӢ РАҲМОН ВА НАМУНАИ ОЛИИ ОИНИ ҲАМСОЯДОРӢ

27 08 2020

Дар доираи сафари кории худ ба ВМКБ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Дарвоз ҳангоми ҳаракат ба сӯи истироҳатгоҳи «Чорчаман» бо як гурӯҳ шаҳрвандони кишвари дӯсту ҳамсояи Афғонистон, ки барои истиқбол ва мулоқот бо Пешвои тоҷикони ҷаҳон, Президенти Ҷумҳурии Тоҷикистон муҳтарам Эмомалӣ Раҳмон дар назди соҳили дарёи Панҷ ҷамъ омада буданд, суҳбати самимии сарироҳӣ анҷом доданд.

Зимни суҳбати самимӣ Сарвари давлат муҳтарам Эмомалӣ Раҳмон оид ба сатҳи кунунии ҳамкории судманди ду давлати дӯст, ҳамҷавор, ҳамзабон ва ҳамфарҳанги Тоҷикистону Афғонистон андеша ронда, таъкид доштанд, ки ҳамаи мушкилиҳо дар доираи муносибатҳои дӯстию ҳамкорӣ ҳалли худро пайдо мекунанд.
Воқеан ҳам, дар ин росто ба шарофати таҳкими равобити иқтисодӣ байни ду давлат якчанд барномаҳо амалӣ шуданд ва дар оянда низ  садҳо лоиҳаҳо роҳандозӣ хоҳанд шуд.
Агар аз дурбини воқеият нигоҳ кунем, бисёр риққатовар аст, ки дар он сӯи марз мардуми ҳамзабони мо «аз сарулибос то хонаю палос» дар кадом сатҳ зиндагӣ доранд. Роҳҳои мумфарш, барқи доимӣ, бунёди садҳо иншооти таъйиноти гуногун дар Тоҷикистон барои ҳамсоякишвари мо мисли афсона аст, ки фосилаи ҳамагӣ сад ё дусадметра дорад.
Саволе пайдо мешавад, ки чаро сокинони кишвари ҳамсоя бо умед ва бовари том ба Сарвари давлати Тоҷикистон муроҷиат карданд?
Сокинони он сӯи дарёи Панҷ дар вуҷуди Сарвари давлат сифатҳои зиёди инсони олию одӣ, меҳрубонию қаҳрамонӣ, матонату ҳалимӣ, дилсӯзию ҷасорат, хоксорию ғурур бо риояи одоб ва эҳтироми оини ҳамсоядорӣ, ҳамзабонӣ, дар мизони хирад ва тарозуи манфиати миллат ва Ватан баркашидани ҳамаи инро ҳис карданд ва умедворона муроҷиат намуданд. Ва муҳимтар аз ҳама, медонанд, ки ин муроҷиати онҳо беҷавоб нахоҳад монд.

муфассал

 

ТОҶИКИСТОН. ЗАМИНАҲОИ ҲУҚУҚИИ БАРГУЗОРИИ ИНТИХОБОТИ ПРЕЗИДЕНТӢ

27 08 2020

Дар замони муосир барои эълон кардан ва ё эътироф намудани соҳаи ҳуқуқ ё илм ҳамчун соҳаи мустақил якчанд талабот зарур аст, ки яке аз онҳо принсип мебошад. Ҳеҷ соҳаи ҳуқуқро бидуни принсип - таҳкурсӣ ё пойдевори ҳуқуқӣ, замина ва асос тасаввур намудан ғайриимкон аст.
Ҳуқуқи интихобот низ аз ҷумлаи падидаҳоест, ки дар он нақши принсипҳо ҳамчун таҳкурсӣ ё зербинои ҳуқуқӣ хеле бузург аст. Принсипҳои интихобот гуфта ғояҳои бунёдӣ, ормонҳои ҳуқуқӣ ва меъёрҳои роҳбарикунандае фаҳмида мешаванд, ки онҳо заминаи низоми интихобот дар Ҷумҳурии Тоҷикистон ба ҳисоб мераванд. Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» принсипҳои иштироки шаҳрвандон дар интихоботро муқаррар намудааст, ки онҳо аз мазмуни моддаҳои 1, 2, 3 ва 4 бармеоянд. Дар моддаи 1 қонуни конститутсионии мазкур номгӯи муҳимтарин принсипҳо ё ҳуқуқи интихоботии шаҳрвандон оварда шуда, дар моддаҳои минбаъдаи қонун мазмун ва муҳтавои онҳо то андозае равшан нишон дода шудааст. Дар асоси моддаи 1-и қонуни болозикр «Президенти Ҷумҳурии Тоҷикистон аз тарафи шаҳрвандони Ҷумҳурии Тоҷикистон дар асоси ҳуқуқи интихоботии умумӣ, баробар ва мустақим бо овоздиҳии пинҳонӣ интихоб мешавад». Ин меъёр идомаи мантиқии моддаи 65-и Конститутсияи Ҷумҳурии Тоҷикистон мебошад, ки принсипҳои интихоботи Президентро муайян намудааст.
Дар Ҷумҳурии Тоҷикистон мувофиқи Конститутсия ва қонунгузории амалкунанда интихоботи Президенти Ҷумҳурии Тоҷикистон ва вакилони халқ умумист. Яъне, принсипи умумӣ будани интихобот танҳо ба интихоботи Президенти Ҷумҳурии Тоҷикистон, вакилони Маҷлиси намояндагон ва маҷлисҳои маҳаллӣ, аз ҷумла ба интихоботи вакилони ҷамоат паҳн мегардад. Ин ҳуқуқ дар маъракаи интихобот бо чораҳои ташкилӣ кафолат дода мешавад. Дар асоси қонун шаҳрванди синнаш дар рӯзи интихобот ба 18 расида, ки дар қаламрави маҳали интихобот доимӣ ё муваққатӣ истиқомат мекунад ва ҳуқуқи дар овоздиҳӣ иштирок кардан дорад, ба рӯйхати интихобкунандагон ворид мешавад. Шаҳрвандон ба рӯйхати интихобкунандагони фақат як участкаи интихобот дохил карда мешаванд.

муфассал

 

Терроризм - хатар ба инсоният

27 08 2020

Ахиран ҳодисаҳои террористии дар Англия, Фаронса, Миср, Санкт-Петербург ва Афғонистон рухдода аз он шаҳодат медиҳанд, ки дасти терроризм бо ҳар роҳу восита аз лонаи хеш ба минтақаҳои дурдаст расида, мехоҳад амалҳои касифу нобахшиданӣ ва бераҳмонаву ҷоҳилонаро анҷом диҳад. Ҳалокати ҳазорон мардуми осоишта, алалхусус занону кӯдакон аз ин хатари марговар гувоҳи он аст, ки ин амалу кирдори ваҳшиёна ба касеву чизе раҳм надорад ва ҳамчун василаи амалӣ сохтани ҳадафу мақсадҳои нопок аз ҷониби як тӯдаи аз фарҳангу маърифат дур, бехирад ва ҷоҳилу нотавонбин истифода мешавад.

Терроризм яке аз роҳҳои ба амалбарорӣ ва тарзу усули бурдани муборизаи сиёсӣ бо истифодаи афкори даҳшатзо ва тарсафканӣ бо роҳи таҳдиду таҷовуз ва зӯроварӣ ҷиҳати бедор кардани тарсу ҳарос, ваҳмангезӣ дар вуҷуди инсонҳо мебошад.
Ҳадаф аз ин кирдори бераҳмона - расидан ба мақсади ниҳоии худ, ноором сохтани вазъи сиёсӣ, ангехтани зиддият дар миёни қишрҳои ҷомеа, коста намудани обрӯи давлат, эҷоди бесарусомониҳо, ҳамзамон ноҷӯрӣ ворид кардан дар муносибатҳои дипломатии миёни дигар кишварҳо мебошад.
Имрӯз ва дар оянда низ терроризм яке аз хавфноктарин таҳдидҳо барои инсоният ва ҷомеаи умумибашарӣ боқӣ монда, бо истифода аз технологияи муосир тарзу усули нави истифодабариро касб мекунад.
Дар як даҳсолаи охир садҳо ҳазор нафар мардуми осоишта қурбони амалҳои террористӣ гардида, ҳазорҳо нафари дигар маъюбу корношоям шуданд.

муфассал

 

ЗЕҲНИ ҶАВОНОН ВА ДОМИ ИФРОТГАРОӢ

11 08 2020

Имрӯз мушкилоте, ки кулли ҷомеаи ҷаҳониро ба ташвиш овардааст, ба гурӯҳҳои тундрав пайваст шудани ҷавонон аст.

Бо камоли таассуф метавон гуфт, ки бархе аз ҷавонони мо ҷойи омӯхтани илму дониш ба роҳҳои нодуруст рафта, теша ба решаи хеш мезананд. Гузашта аз ин, ҷавононро мебояд ҳушёриву зиракии сиёсиро аз даст надиҳанд ва аз зеҳни хеш амалҳои номатлубро дур созанд ва ба омӯзиши илму дониш рӯ оранд. Коршиносони масоили динӣ ҳадс мезананд, ки ба гурӯҳҳои террористию экстримистӣ пайвастани ҷавонон аз надоштани дониши мукаммали динист, ҳамзамон хуб набудани шароити иқдисодиро низ яке аз ин омилҳо медонанд.

Терроризм-амали номатлубест, ки бевосита дар Кодекси Ҷиноятии Ҷумҳурии Тоҷикистон пешбинӣ шудааст. Мақсади асосии терроризм халалдор сохтани амнияти миллӣ, тарсонидани одамон, ба ҳаяҷон ва таҳлука овардани аҳолӣ буда, таввасути он фишор овардан ба мақомоти давлатӣ мебошад.

Мувофиқи Қонуни Ҷумҳурии Тоџикистон «Дар бораи мубориза бар зидди экстремизм» «Экстремизм- ин изҳори фаъолияти ифротии шахсони ҳуқуқӣ ва воқеӣ ба даъвати нооромӣ, дигаркунии сохти конститутсионӣ дар давлат, ғасби ҳокимият ва тасарруфи салоҳияти он, ангезонидани нажодпарастӣ, миллатгароӣ, бадбинии иҷтимоӣ ва мазҳабӣ мебошад».

муфассал

 

САЙЁҲӢ. РУШДИ БАХШИ ХУСУСӢ МУҲИМ АСТ

11 08 2020

 

Ҷумҳурии Тоҷикистон аз лиҳози имкониятҳои табиӣ яке аз давлатҳои ояндадори дунё дар бахши сайёҳист. Кӯҳсор будани 93 дарсади ҳудуди кишвар, ки дар гузашта яке аз монеаҳои рушди он шумурда мешуд, дар шароити муосир сарчашмаи асосии тараққии давлат ва воситаи муаррифии он дар арсаи ҷаҳонӣ хоҳад гашт. 

Тибқи сарчашмаҳо, ҳар сол зиёда аз 700 миллион (дар ҷойи дигар, зиёда аз 1 миллиард) нафар ҳамчун сайёҳ ба минтақаҳои гуногун сафар мекунад. Омори мазкур танҳо ифодагари вазъи сайёҳии байналмилалӣ мебошад. Шумораи сайёҳони дохилии кишварҳо бамаротиб зиёд аст.
Ҷумҳурии Тоҷикистон дар Осиёи Миёна беҳтарин ва бештарин имкониятро барои рушди сайёҳӣ соҳиб буда, мувофиқи рейтинги ҷаҳонии мамлакатҳо аз рӯи хулосаҳои сомонаву шабакаҳои ҷаҳонӣ, махсусан «ВВС» (Британияи Кабир, соли 2012) дар қатори 10 кишвари ҷолибтарин барои боздиди сайёҳон дониста шуд. Сомонаи интернетии «Globe Spots» соли 2014 Тоҷикистонро дар сархати даҳгонаи кишварҳои ҷолиб барои туристони саргузаштӣ ҷой дод. Нашри русии маҷаллаи маъруфи «National Geographic» соли 2016 шоҳроҳи Помири Тоҷикистонро яке аз даҳ роҳи зеботарини дунё унвон кард. Маҷаллаи “ТОП - 100” соли 2015-ум 3 минтақаи Тоҷикистон ва соли 2016 кӯҳҳои Помирро мавзеъҳои ҷолиби туристӣ эътироф намуд. Инчунин, соли 2016 Созмони Милали Муттаҳид Тоҷикистонро дуюмин кишваре донист, ки туризмаш дар ҳоли рушд қарор дорад.
Ба соҳаи сайёҳӣ на ҳамчун бахши ёрирасон, балки ба сифати бизнеси асосӣ таваҷҷуҳ зоҳир карда мешавад ва барои сайёҳон тамоми шароити экологию эстетикӣ, имкониятҳои бархӯрдорӣ аз тарзи ҳаёти деҳот (саёҳат тавассути асп, қутос, ҷамъоварии замбурӯғ, мева, гиёҳҳои шифобахш, моҳидорӣ), дастрасӣ ба маҳсулоти арзони истеъмолии маҳаллӣ, ошноӣ бо хусусиятҳои этнографии деҳа ва афзалиятҳои фарҳанги мардуми он ва ғайра фароҳам мегарданд. Чунин навъи сайёҳӣ, яъне сайёҳии сабзи деҳот (green rural tourism) ва ё сайёҳии аграрӣ (agrotourism, farm tourism) дар кишвар хеле маъмуланд. Сайёҳон муддате дар деҳа зиста, тарзи ҳаёти деҳро барои худ таҷриба мекунанд.

муфассал

 

ТОҶИКИСТОН - БИҲИШТИ РӮИ ЗАМИН

11 08 2020

Тоҷикистон – Ватани азизу маҳбубамон дорои табиати нотакрору зебое мебошад. Кӯҳҳои сарбафалаккашида, чашмаву рустаниҳои шифобахш, дарёҳои пурҷӯшу хурӯш, ҳавои софу беғубораш воқеан ҳам, ҳайратовар аст. Дар чунин як сарзамини зебо, ки табиати нотакроре дорад, ба ҳар кас зистан муяссар намешавад. Мо, тоҷикистониён, бояд шукронаи Яздони покро намоем, ки ба мо чунин як кишвари биҳиштосоро насиб гардондааст. Аз ин рӯ, моро зарур аст, ки дар тозаю озода нигоҳ доштани табиати диёри хеш талош варзем.

Табиате, ки ба мо рустаниҳои шифобахш, оби софу зулол, ҳавои тоза мебахшад, ба муҳофизати мо эҳтиёҷ дорад. Бояд ҳар як фард талаботи қонунгузории кишварро дар самти тоза нигоҳ доштану муҳофизати табиат риоя намояд.
9 сентябри соли 1991 Тоҷикистони азизи мо соҳибистиқлол ва халқи тоҷик баъди зиёда аз ҳазор сол аз нав соҳиби давлати мустақили миллӣ гардид. Имрӯз миллати тоҷик ба ҳам омада, давлату миллати хешро саробону пуштибонанд. Ба шарофати далерию хирадмандии фарзанди обрӯманди миллати тоҷик, Президенти Ҷумҳурии Тоҷикистон муҳтарам Эмомалӣ Раҳмон хатари бузурги пошхӯрии ин давлат дар ҷанги таҳмилӣ аз байн рафт, ваҳдати миллӣ, ҳамдигарфаҳмӣ, фарҳанги азалии мардуми тоҷик тантана кард.
Имрӯзҳо тоҷик миллати бузург ва машҳури ҷаҳон аст. Тоҷикон даст бар даст ниҳода, садҳо иншооти бузург месозанд, НБО "Роғун" - ро бунёд мекунанд. Дар бунёди ин иншоот, ки бо азми далеронаи Сарвари давлат оғоз гардид, тамоми мардум саҳмгузоранд, ҳатто тоҷикони берунмарзӣ, ки низ мадади хешро барои ободонии ватанашон дареғ намедоранд.

муфассал

 
<< Start < Prev 1 2 3 4 5 6 7 8 9 10 Next > End >>

Page 1 of 18
EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...