Home: Public relations
Tajik (CIS)Russian (CIS)English (United Kingdom)
VOTE
Аз кадом хизматрасонии сомонаи расмии Вазорати мудофиа қаноатмандед?
 
Statistics
Today466
Week933
This month10326
Only326255
Video

Forum

Public relations

ИФРОТГАРОӢ. ТО КУҶО ДАР МУБОРИЗА БО ОН МУВАФФАҚ ШУДЕМ?

23 07 2019

- Адабиёти классикии мо дар ҳама даврони таърихӣ, ҳатто дар вазъҳои басо мураккабу душвор низ алайҳи зулм, истисмор, қатл, ғорат, озор, даҳшатафканӣ вазифаву рисолаташро бисёр олӣ ба ҷо овардааст. Бешак, аз ин мавқеъ ё худ башардӯстии он, дигар адибони ҷаҳон дар баробари истифодаву интихоб, инчунин, онро бо як муҳаббати хос тавсиф намудаанд. Мутаассифона, адабиёти муосир, на танҳо адабиёти миллии мо, балки дигар адабиёти миллатҳои ҷаҳон, дар ҳоле ки башар аз терроризму экстремизм хавфи зиёд дорад, вазифаву рисолати худро дар ин маврид он гуна, ки бояд, ба андешаи инҷониб, пурра ва дуруст ба ҷо наовардааст. Чаро? Чӣ монеаҳо: табииву сунъӣ сабаб гардидаанд? Адабиёти муосири тоҷик, дар ҳама намуди навъҳои адабӣ, чӣ корҳоеро ба анҷом расонда ва мерасонад? Чӣ бояд кард, то адибони тоҷик дар ин мавзӯъҳои муҳимтарини давр асар эҷод бикунанд, ки дар коҳиш ёфтани падидаҳои номатлуби даҳшатзо мусоидат бинамоянд? Вобаста ба ҳалли ин масъала ва мушкилоти мазкур баргузории ҳамоишҳо бо адибони ҷаҳон метавонад таъсири нек бигузорад? Дар сурате, ки бо истифода аз имконоти техника ва технологияҳои муосир ин вабои аср ба ҳар як хонадони сайёра роҳ меёбад, адабиёт, мурод, албатта, адибон аст, дар муқобили он чӣ корҳоеро бояд ба фарҷом бирасонанд? Бо таъкиди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазъи сиёсии ҷаҳон дар ду - се соли оянда мураккаб ё худ бад мегардад. Адабиёти дунё, хосса адабиёти миллии мо, дар ин ҳол то куҷо метавонад вазифаву рисолаташро иҷро бинамояд? Ва, албатта, чӣ тавр?
Хабарнигори рӯзномаи «Ҷумҳурият» Абдулқодири Раҳим барои посух гирифтан ба ин пурсишҳо ба чанд тан аз аҳли адаб ва муҳаққиқони соҳа муроҷиат намуд.

муфассал

 

Ҷалби фарзандони афсарон ба фароғатгоҳи “Баҳор”

23 07 2019

Дар доираи иҷрои дастуру супоришҳои сарвари давлат, дар самти фароҳам овардани ҳама шароитҳо барои истироҳату фароғати кӯдакону наврасон дар давраи таътили тобистона масъулини Вазорати мудофиаи кишвар тадбирҳои зарӯриро роҳандозӣ менамоянд.

Вазорати мудофиаи Ҷумҳурии Тоҷикистон бо назардошти хизматҳои содиқонаи афсарон, фарзандони онҳоро ҳамасола дар айёми таътили тобистона ба фароғатгоҳи “Баҳор”, ки дар тобеяти ин ниҳоди қудратӣ амал мекунад ва дар он ҷо тамоми шароитҳои зарурӣ баҳри истироҳату фароғат муҳайё гардонида шудааст, ҷалб менамояд.

муфассал

 

Дар пойгоҳи Вазорати мудофиаи Ҷумҳурии Тоҷикистон ҷамъомади таълимӣ-методӣ гузаронида шуд

09 07 2019

Дар доираи иҷрои дастуру супоришҳои Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон  муҳтарам Эмомалӣ Раҳмон ва дар асоси нақшаи чорабиниҳои  Вазорати мудофиаи  мамлакат  5-6 июл дар пойгоҳи Вазорати мудофиаи Ҷумҳурии Тоҷикистон бо иштироки роҳбарони мақомоти марказии ҳокимияти давлатии Ҷумҳурии Тоҷикистон ҷамъомади таълимӣ-методӣ доир гардид. Дар ин бора ба  АМИТ  «Ховар» сардори Маркази матбуоти Вазорати мудофиаи Ҷумҳурии Тоҷикистон  подполковник Ориф Нозимиён иттилоъ дод.

Тибқи иттилои сарчашма, котиби Шӯрои амнияти ҷумҳурӣ Маҳмадалӣ Ватанзода   доир ба самтҳои афзалиятноки  ҳамкорию  ҳамоҳангсозии  мақомоти  давлатии Ҷумҳурии Тоҷикистон сухан карда, баргузории ҷамъомади таълимӣ-методӣ ва  дигар масъалаҳои амниятиро, ки дар замони осоишта ва ҳолати ҷанг муайян ва танзим мешаванд, бисёр муҳиму  саривақтӣ арзёбӣ намуд.

муфассал

 

ИФРОТГАРОӢ. "ТАҚЛИД" - РО БИШНОСЕМ

09 07 2019

 

Агар баъзе аз ҳикмат ва масъалаҳоро бархе дуруст дарк мекунанду ҳамон тавр шарҳу тавзеҳ медиҳанд, то ҳақиқат рӯшани рӯшан бошад, тоифае ё худ гурӯҳе онро қасдан ҷилваи дигар медиҳанд. Бо ин ки медонанд мардумро ба гумроҳӣ мекашанд ва  аз асли худ дур месозанд.
Дар кишвари мо аз ин гурӯҳҳо пайдо шуда буданд ва аз ҳуқуқу озодиҳои демократӣ дар ин маврид суиистифода намудан мехостанд. Агар, воқеан, пеши роҳи онҳо гирифта намешуд ва фаъолияташон расману қонунан манъ намегардид, ҳароина ба бунёди истиқлолу ваҳдати миллии мо рахна ворид месохтанд. Онҳо ғаразҳои сиёсии худро бо ояҳо, ҳадисҳо ва ҳикматҳои бузургони олами ислому адабамон асоснок мекарданд.
Бо фитна, ки бадтар аз қатл ҳукм шудааст, ба ахлоқ ва ҳамаи арзишҳои неки миллӣ, диниву инсонӣ мухолифат меварзиданд.
Бадтар аз ин ҳама миллат ва давлатро аз миён бурдан мехостанд. Албатта, муваффақ нашуданд, чун эҳтироми ин арзишҳо ва арҷгузорияшон аз самтҳои муҳими сиёсати давлати тозаистиқлоли Тоҷикистон маҳсуб мешуду мешавад. Бешак, ин гурӯҳу ҳаракатҳо чунин сиёсат ва муҳаббату эътиқоди мардумро тақлиди кӯр - кӯрона ва парастиши ниёгону хилофи дини мубини ислом маънидод мекарданд.
Ин гурӯҳ дар пиёда сохтани сиёсату ғаразҳои баду нопоки худ таълимдида, таҷрибаандӯхта буданд ва имкони зиёди ба сӯи худ кашидани мардум, хосса мардуми содаву ноогоҳ ва ҷавононро доштанд. Бо маблағҳои пулӣ баъзе аз дилҳои ноогоҳонрову  имонзаифонро гарм карда низ метавонистанд.
Имрӯз, дар фазои сулҳу субот ва оромии ҷомеа мо бештар ба моҳияту муҳимияти ташаббусҳову суханони пурҳикмату интихоби роҳи дурусту суханони қотеонаи Сарвари давлат Эмомалӣ Раҳмон сарфаҳм меравем. Ҳанӯз шаш сол пеш таъкид доштанд: «Ман бо камоли масъулият мегӯям, ки давлати Тоҷикистон ба ҳамаи динҳо эҳтиром мегузорад, вале ба хотири таъмини амният ва оромиву суботи ҷомеа пеши роҳи ҳама гуна ҷудоиандозиву тафриқаангезиро қотеона хоҳад гирифт».

муфассал

 

БАРАКАТ. ВАҚТЕ ПЕШВОИ МИЛЛАТ МЕОЯНД

09 07 2019

 

Андешаҳо дар ҳошияи сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва иштирок дар тантанаҳои идона ба истиқболи 22 - юмин солгарди Рӯзи Ваҳдати миллӣ, ифтитоҳи як қатор иншооти дорои таъйиноти гуногун ва суҳбату вохӯриҳои судманд бо сокинони ноҳияҳои водии Рашт.

Абубакр ШАРИФОВ, ҳамоҳангсози Ҳаракати ҷамъиятии ваҳдати миллӣ ва  эҳёи  Тоҷикистон дар водии Рашт:  
- Таҷлили 22 - юмин солгарди Рӯзи Ваҳдати миллӣ дар ноҳияи Рашт басо хотирмону таърихӣ буд. Зеро он бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид. Табиист, ки ҳар қадами Пешвои миллат файзу баракати зиёде дар пай дошта, аз як сафар то сафари дигарашон дар ҳаёти иқтисодию иҷтимоии ноҳия дигаргуниҳои куллӣ ба миён меоянд. 
Ноҳияи мо, ки дар давраи ҷанги шаҳрвандӣ яке аз минтақаҳои ҷангзада ба шумор мерафт, мафҳуми ваҳдат ва гиромӣ доштани ин арзиши ҳаётӣ барои ҳар сокини Рашт азизу муқаддас аст. Қобили зикр аст, ки баъд аз расидан ба ваҳдати миллӣ аз соли 1997  дар ноҳия беш аз 500 иншооти муҳими хоҷагии халқ бо дастгирии Президенти маҳбуби кишвар бунёд ёфтааст. Аз ҷумла, 26 июни соли ҷорӣ бо иштироки Пешвои муаззами миллат  8 иншооти дорои аҳамияти муҳим мавриди истифода қарор гирифт.

муфассал

 

ВАҲДАТ ДАСТОВАРДИ БУЗУРГ ВА МУҚАДДАС

03 07 2019

Роҳ ба сӯи сулҳу ваҳдат барои Тоҷикистон осон набуд. То оғози музокирот як таҷрибаи санҷидашудае вуҷуд надошт. Сарвари ҷавони давлат Эмомалӣ Раҳмон он вақт танҳо ду ситораи қутбнамо дошт - яке Конститутсия, дигаре иродаи устувори сулҳхоҳонаи халқи Тоҷикистон.

Барои миллати тоҷик Рӯзи Ваҳдати миллӣ арзишмандтарин санаи таърихист. 27 июни соли 1997 ба шарофати хиради азалии тоҷикон дар шаҳри Москва Созишномаи умумии истиқрори сулҳ ва ризоияти миллӣ дар Тоҷикистон ба имзо расид ва ҳамин тавр, ба ҷанги таҳмилии шаҳрвандӣ миёни фарзандони як миллат хотима гузошта шуд. Президенти Ҷумҳурии Тоҷикистон муҳтарам Эмомалӣ Раҳмон дар суханрониашон дар Конфронси байналмилалӣ бахшида ба панҷумин солгарди имзои Созишномаи умумии истиқрори сулҳ ва ризоияти миллӣ дар Тоҷикистон ва намунаи ибрати он барои Афғонистон 17 июни соли 2002 чунин гуфта буданд: “ 27 июн, бешубҳа, дар таърихи мамлакати мо ҳамчун санае сабт хоҳад ёфт, ки фоҷиаи аз сар гузарондаи мо,  зарурати ҳамеша ҳифз намудани сулҳу осоиш ва таҳкими ваҳдати миллӣ ва истиқлолияти мамлакатро хотиррасон месозад”.
Музокирот бо мухолифин аз 5 апрели соли 1994 то 27 июни соли 1997 дар Афғонистон, Покистон, Эрон, Қазоқистон, Қирғизистон, Россия, Туркманистон давом кард. Барои ба сулҳу субот расидан 9 давраи музокирот, 6 мулоқоти сарон ва 21 музокироти ҳайатҳо сурат гирифт, 40 санад ба имзо расид, ки тақдири ояндаи давлати тоҷикон ва таъмини сулҳу салоҳро дар Тоҷикистон ҳал намуд. Сарзамини Тоҷикистон пур аз ганҷ аст, аммо барои давлату миллати тоҷик аз ваҳдати миллӣ дида гаронбаҳотар ганҷе нест!

муфассал

 

ИФРОТГАРОӢ. АЗ ШИНОХТИ РИСОЛАТ ТО ЭҲСОСИ МАСЪУЛИЯТ

03 07 2019

 

Ҷангҳое, ки дар асри навин рух додаанду медиҳанд, ба яқин, аз ҳамаи ҷангҳои асрҳои пешин даҳшатноктару ваҳшатзотар буданду хоҳанд шуд. Ба иловаи ин, вақте терроризму экстремизм густариш меёбад, ҳар сокини сайёра дар гӯшаи бас амни кишвараш низ эҳсоси хавфу хатар хоҳад намуд. Дар ин ҳолу вазъи мураккаби ҷаҳон дигар умед ба зиндагии осоишта намемонад.

Башар имрӯз хуб дарёфтааст, ки роҳандозии сиёсатҳои нодуруст, ҳирсу тамаъҷӯӣ, қудратхоҳиву намоиши тавоноӣ, зулму ситад ба ҳалокати инсонҳои рӯи дунё ва маҳви кураи Замин оварда мерасонад.
Тамоми васоити ахбори омма дар ҷаҳон аз ин хусус менависанду мегӯянду намоиш медиҳанд, то садду монеи густаришашон бишаванд, аммо натиҷаҳои назаррас камтар ба даст меоянд. Дар тамоми қитъаҳои олам, махсусан дар Осиёву Африқо ва Аврупову Амрико, одамони бегуноҳ қариб ба ҳар рӯз қурбони ҷиноятҳои террористӣ мегарданд. Дигар возеҳу ошкор мебошад ва наметавон пинҳон кард, ки дар пушти ин амалҳову ҷиноятҳо киҳо ҷой доранду чӣ мехоҳанд. Ҳеҷ ҳаракату гурӯҳҳои ҷангҷӯву террористӣ бе пуштибониву дастгирии хоҷагони худ кореро ба анҷом намерасонанд. Муаммоҳои зиёди сарбастаи нокушуда дар арсаи байналмилалӣ вуҷуд доранд, ки таърифи ягонаи «терроризм»-у «террорист»-ро душвор мегардонад. Ба таъкиди Сарвари давлат Эмомалӣ Раҳмон «ин ҳолат ба истифодаи меъёрҳои дугона ва духӯрагиву гуногунфаҳмиҳо мусоидат карда истодааст».

муфассал

 

ПЕШВОИ МИЛЛАТ. АЗ ТАҲКИМИ ВАҲДАТИ МИЛЛӢ ТО ЭЪТИБОРИ ҶАҲОНӢ

03 07 2019

Баъд аз ба даст овардани Истиқлолияти давлатии Ҷумҳурии Тоҷикистон 9 сентябри соли 1991 равишҳои ноҳамвору бесубот кишварро рӯз ба рӯз ба самти норавшану гирдоби ноором наздиктар менамуд. Вазъият то ҷое расид, ки ҷанги таҳмилии шаҳрвандӣ оғоз шуда, бар асари он беш аз 150 ҳазор нафар қурбон ва наздик ба як миллион нафар гуреза шуданд. 
Вазъият ба майдон омадани пешвои сиёсиеро талаб мекард, ки бояд муҳимтарин сифатҳоро доро бошад ва ниёзи мардумро хуб дарк намуда, аз рӯи манфиату арзишҳои умумимиллӣ амал намояд, ба маҳдудият ва маҳалгароӣ роҳ надода, ҷаҳонбинии васеъ, дурандешии сиёсӣ ва иродаи қавӣ дошта, дар амалӣ гардидани сиёсати давлатӣ собитқадам бошад.
Вакилони мардумӣ ин сифатҳоро дар симои Эмомалӣ Раҳмон дарёфтанд ва моҳи ноябри соли 1992 дар Иҷлосияи 16 - уми Шӯрои Олии Ҷумҳурии Тоҷикистон ин шахсияти барҷастаро Раиси Шӯрои Олӣ – Сарвари давлат интихоб намуданд. Пешвои миллат дар давроне ба ҳайси Роҳбари сиёсӣ фаъолиятро оғоз карданд, ки Тоҷикистон бо нооромиҳои сиёсӣ рӯ ба рӯ гардида буд.

муфассал

 

РАВАНДҲОИ ҶАҲОНИШАВӢ ВА МАРКАЗҲОИ НАВИ ҲАМГИРОӢ

24 06 2019

 

(Дар ҳошияи Ҳамоиши панҷуми Машварати ҳамкорӣ ва тадбирҳои боварӣ дар Осиё,  шаҳри Душанбе, 14 – 15 июн)

Дар оғози асри XXI истилоҳи глобализатсия (ҷаҳонишавӣ) ва равандҳои глобализатсионӣ ҳамчун раванди муҳими ҳаёти иҷтимоӣ якбора вирди забонҳо шуд. Ва маълум гардид, ки глобализатсия раванди ҷаҳонии ҳамгироӣ ва ҳамгунсозии иқтисодӣ, сиёсӣ, фарҳангӣ ва динию мазҳабӣ мебошад.

Ташаккули шабакаи ягонаи иқтисоди бозорӣ – иқтисодиёти ҷуғрофӣ, инфрасохтори он ва раванди аз байн рафтани соҳибихтиёрии давлатҳо, ки тӯли садсолаҳо бозигарони асосии муносибатҳои байналмилалӣ буданд, ба вуҷуд меояд. Дар натиҷа, ҷаҳонишавӣ гардиши умумии тақсимоти байналмилалии меҳнат, муҳоҷират, сармоя, неруи корӣ, захираҳои истеҳсолӣ, ҳамгунсозии қонунгузорӣ, равандҳои иқтисодӣ ва технологӣ, ба ҳам наздикшавӣ ва омезиши фарҳангҳои кишварҳои гуногунро ба бор меоварад. Ин раванд тамоми соҳаҳои ҳаёти ҷамъиятиро фаро гирифта, субъектҳои оламро ба ҳамдигар вобаста месозад. Дар байни гурӯҳи давлатҳо маҷмӯи масъалаҳои муштарак ва субъектҳои ҳамгироӣ пайдо мешаванд. Ин раванди ҳассоси ҷаҳони муосир дар заминаи таъсиргузорӣ ва омезиши омилҳои гуногун дар гузашта ва имрӯз шакл гирифтааст. 
Бояд гуфт, ки дидгоҳҳои марбут ба нақши глобализатсия дар ҷаҳони муосир бисёр баҳснок аст. Муаррихон ин равандро ҳамчун яке аз марҳилаи ҷомеаҳои сармоядорӣ медонанд. Иқтисоддонҳо оғози онро ба шаклгирии бозорҳои молиявии фаромиллӣ мансуб медонанд. Сиёсатшиносон онро натиҷаи густариши созмонҳои демократӣ меҳисобанд. Фарҳангиён туғёни ҷаҳонишавиро ба хоҳиши ғарбишавӣ (вестернизатсия) ва тавсеаи иқтисодии Амрико дар кишварҳои гуногун марбут медонанд. Дар паҳншавии раванди глобализатсия иттилоот ва технология (алоқаи мобилӣ ва интернет) низ нақши муҳим мебозанд. Глобализатсияи сиёсӣ ва иқтисодиро аз ҳам фарқ мекунанд, ки дар он мафҳуми минтақабандии кишварҳо барои муайян кардани қутбҳои аз нигоҳи имкониятҳои иқтисодӣ ва технологӣ рушдёфта таъсири ҳалкунанда дорад.

муфассал

 

ИФРОТГАРОӢ. ДАРДЕ, КИ МОТАМ ДОРАД

18 06 2019

 

Дар поёни асри 20 ва ибтидои асри 21 ҷомеаи ҷаҳонӣ шоҳиди зуҳури ҳизбу ҳаракат ва гурӯҳу ҷараёнҳоест, ки талош доранд, асосан бо истифода аз эътиқодоти диниву мазҳабӣ афкори мардумро ба сӯи худ ҷалб созанд. Ин гурӯҳҳои радикалӣ бо низоми дунявият, ки кишварҳои пешрафтаи ҷаҳон мутеи онанд, ҳамеша дар ҳоли ихтилоф қарор дошта, кӯшиш ба харҷ медиҳанд, ки арзишҳои дунявиро дар зеҳну шуури мардум камранг созанд. 
Ба мардуми огоҳи тоҷик намунаи чунин ҳизбу гурӯҳҳои иртиҷоӣ дар мисоли ташкилоти террористӣ - экстремистии Ҳизби наҳзати исломӣ маълум аст, ки замоне дар Тоҷикистон рӯзгори мардумро тираву тор намуда буд. Ба иллати тахрибкориҳои ин ташкилоти террористии зархарид кишвари тозаистиқлоли мо барои солҳои тӯлонӣ аз рушд бозмонд ва иқтисоди мамлакат зарбаи сахт дид.
Ҳоло  бо сад далелу арқоми тасдиқ-шуда, маълум гардид, ки саркардагони наҳзат чи дар гузашта ва чи имрӯз таълимоти ифротгароёнаи худро дар назди институт ва урдугоҳҳои гурӯҳҳои даҳшатноки террористии ҷаҳон гирифтаанд. Натиҷаи таълимоти террористии онҳо ба ҳама маълум шуд. Замоне андӯхтаҳои ифротгароёнаи худро дар хоки Тоҷикистон ба ҳукми амал бароварда, мардуми сарбаланду тамаддунсози тоҷикро, ба монанди мардумони имрӯзаи Сурияву Ироқ ва дигар кишварҳои ҷангзада сияҳрӯзгору тирабахт карда буданд. Онҳо бо истифода аз ноогоҳии мардум дар либоси арзишҳои динӣ баромад намуда, аҳолиро ба гумроҳӣ мебурданд. 

муфассал

 

ДОНАЛД ТУСК: "ТОҶИКИСТОН ДАР ҲИФЗИ АМНИЯТИ МИНТАҚА ВА ҲАЛЛИ МАСОИЛИ ГЛОБАЛӢ НАҚШИ КАЛИДӢ ДОРАД"

18 06 2019

Доналд Туск, президенти Шӯрои Аврупо, ки 29 - 30 май дар раъси як ҳайати баландпоя бо сафари расмӣ дар Ҷумҳурии Тоҷикистон қарор дошт, баъд аз анҷоми мулоқоту музокироти сатҳи олӣ натиҷаҳои сафараш ба кишвари моро мусбат арзёбӣ кард.

Ин меҳмони олимақом баъд аз мулоқот бо Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар ҳузури доираи васеи хабарнигорон бо қаноатмандии зиёд аз раванди тавсеаи равобити судманди Тоҷикистону Иттиҳоди Аврупо ситоиш кард. Ӯ гуфт: «Сафари ман ба кишвари шумо дар ҳоле иттифоқ афтод, ки чанде қабл Стратегияи нави Иттиҳоди Аврупо оид ба кишварҳои Осиёи Марказӣ қабул гардид. Бо ин сафар, боздиди нахустини президенти Шӯрои Аврупо ба Тоҷикистон анҷом шуд. Яъне, ман аввалин шахсе ҳастам, ки дар ин мақом ба кишвари шумо омадам. Ин баёнгари он аст, ки мо  сидқан ҷонибдори таҳкиму густариши ҳамкориҳо бо Тоҷикистон ва кишварҳои минтақаи Осиёи Марказӣ ҳастем. Дар Иттиҳоди Аврупо ба нақш ва мавқеи стратегии Тоҷикистон дар ҳалли масоили минтақавӣ эҳтиром мегузоранд».
Президенти Шӯрои Аврупо изҳор дошт, ки Тоҷикистон дар ҳифзи амнияту суботи минтақа нақши калидӣ дорад. Ӯ зимни боздиди худ аз марзи Тоҷикистону Афғонистон, ба корҳои анҷомшудаи марзбонӣ ва шароити хизматӣ дар дидбонгоҳҳои сарҳадӣ баҳои баланд дод. «Ман аз он ба ваҷд омадам, ки шумо барои ҳимоят аз марз чи корҳои судмандеро анҷом додаед. Дар ин замина, бояд ба нақши Тоҷикистон дар маъмурияти марзҳои Осиёи Марказӣ низ эҳтироми зиёд қоил шуд. Иттиҳоди Аврупо дар таҳкими сарҳадот, мубориза бо терроризм, қочоқи маводи мухаддир ва экстремизми хушунатбор бо ҳамаи кишварҳои Осиёи Марказӣ, бахусус Тоҷикистон, ҳамкорӣ намуда, дар ин самт ба дастгириҳои молиявӣ авлавият хоҳад дод».

муфассал

 

ИНСОНДӮСТӢ Ё ИҚДОМИ БЕНАЗИРЕ, КИ МАВРИДИ СИТОИШУ ПАЙРАВӢ ШУД

18 06 2019

 

Иқдоми беназири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди баргардондани 84 кӯдак ва ноболиғи тоҷик, ки бо волидони гумроҳшудаи худ дар Ироқ қарор доштанд, ҳам дар дохил ва ҳам дар хориҷи кишвар таассуроти амиқеро дар дили миллионҳо нафар боқӣ гузошт. Зеро кӯдакону наврасони ба Ватан овардашуда, фарзандони аъзои гурӯҳи ба ном «Давлати исломӣ» мебошанд, ки дар ҷангҳои Ховари Миёна, бахусус Ироқ, кушта ва ё зиндонӣ шуда, то ин дам дар шароити ногувор ба сар мебурданд.

Ин ташаббуси инсонпарваронаи Пешвои муаззами миллат дар сатҳи байналмилалӣ низ мавриди ситоишу пайравӣ қарор гирифта, бори дигар гуманизму инсондӯстии дараҷаи олии Сарвари давлатро собит сохт. Гузашта аз ин, исбот шуд, ки Президенти маҳбуби кишвар нисбат ба тақдири ҳеҷ як нафар шаҳрванди ин сарзамин бетараф нестанд ва дар идомаи талошҳои босамари худ, иқдомеро рӯи даст гирифтанд, то тифлони маъсуму бегуноҳ дар паноҳи давлат бошанд. 
Ман аз бардоштҳои шахсии худ дар баробари ин иқдоми башардӯстона бовар ҳосил намудам, ки чунин муносибати некбинонаи Сарвари давлат эътиқоду ихлоси ҳамагонро як бар чанд меафзояд ва дар таърих бо хотираҳои нек сабт мешавад.  Мо  ибораҳои халқии  “дар сояи давлати касе будан”, “дар паноҳи давлати касе будан” - ро бисёр истифода мебарем, ки рамзист. Вале, борҳо амалан дидем, ки  “соя”- ву  “паноҳ”- и Сарвари ғамхори кишварамон барои ҳама аст. Ин арзиши воло дар вуҷуди Пешвои ҳақиқие буд, ки баробари ба даст гирифтани зимоми давлатдорӣ дар давраи басо мушкили таърих роҳи фардои миллатро рӯшан сохт. 

муфассал

 
<< Start < Prev 1 2 3 4 5 6 7 8 9 10 Next > End >>

Page 1 of 12
Subscribe to us!

EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

Minister of Defense
of the Republic of Tajikistan

Colonel-General Sherali Mirzo
Sport

Trading platform