АСРИ XXI. ҚАҲРАМОНҲОЕ, КИ НОМАШОН ҶОВИДОН МЕМОНАД

03 05 2019

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 16 апрели соли 2019 дар шаҳри Москва зимни суханронӣ дар мулоқот бо роҳбарону намояндагони ҷамъиятҳои тоҷикон, соҳибкорон, зиёиён ва донишҷӯёни тоҷик дар Федератсияи Россия зикр намуданд, ки ба шарофати хоҳишу талошҳои дуҷониба миёни ду халқи бародар ва ду кишвари дӯст 16 гузаргоҳи сарҳадӣ кушода шуд, ки дар таърихи беш аз ду даҳсолаи охир дастоварди бесобиқа аст.
Воқеан, ин дастоварди бузургест дар муносибатҳои сиёсию иқтисодӣ, иҷтимоию фарҳангии ду миллати бо ҳам дӯсти тоҷику ӯзбек. Мо – сокинони ҷумҳуриҳои соҳибистиқлоли Тоҷикистону Ӯзбекистон чандин солҳо чунин муносибати ҳасанаро интизор будем. Вақте ки 9 марти соли 2018 дар байни ин ҷумҳуриҳои бародар 27 созишнома ба манфиати халқҳои тоҷику ӯзбек ба имзо расиду симхорҳои байни кишварҳо аз хати сарҳадҳо бардошта шуданд, хурсандии мардум андоза надошт. Дар гузаргоҳҳои сарҳадӣ тоҷикону ӯзбекон ашки шодӣ мерехтанд, ҳамдигарро ба оғӯш мекашиданд, суруд мехонданду мерақсиданд.
Имрӯз мо беҳад аз сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев хурсандем, ки тафриқаандозиро дар байни миллатҳои тамаддунофарини тоҷику ӯзбек аз миён бардоштанд. Айни замон, дар Ӯзбекистон мактабҳои тоҷикӣ аз нав фаъол мешаванд, забони тоҷикӣ мавқеи пешинаашро касб менамояд, тоҷикон ба корҳои давлатӣ пешбарӣ ва таъйин мегарданд, вакил интихоб мешаванд. 

муфассал

 

Вазорати мудофиаи Ҷумҳурии Тоҷикистон барои ишғоли мансабҳои зерини холии маъмурии хизмати давлатӣ озмун эълон менамояд:

09 07 2019

ДАСТГОҲИ МАРКАЗИИ ВАЗОРАТИ МУДОФИАИ ҶУМҲУРИИ ТОҶИКИСТОН:

1. Сармутахассиси шуъбаи умумӣ -1 ҷой маоши мансабӣ 1200 сомонӣ.

2. Мутахассиси пешбари шуъбаи умумӣ-1ҷой маоши мансабӣ 978 сомонӣ.

3. Мутахассиси пешбари шуъбаи назорат, фармоишҳо,таҳлил ва иттилоот-1ҷой маоши мансабӣ 978 сомонӣ.

4. Сармутахассиси зершуъбаи меҳнат ва музди меҳнати Раёсати молия ва буҷет-1ҷой маоши мансабӣ 1200 сомонӣ.

5. Мутахассиси пешбари шуъбаи таъминоти иҷтимои ва нафақаи Раёсати молия ва буҷет-1 ҷой маоши мансабӣ 978 сомонӣ.

6. Мутахассиси пешбари зершуъбаи молияи Раёсати молия ва буҷет- 1ҷой маоши мансабӣ 978 сомонӣ.

7. Мутахассиси шуъбаи таъминоти тиббии Раёсати тиббӣ-ҳарбӣ-1ҷой маоши мансабӣ 804 сомонӣ.

8. Мутахассиси пешбари хадамоти автомобилии Раёсати аслиҳа ва техникаи ҳарбӣ-1 ҷой маоши мансабӣ 978 сомонӣ.

9. Мутахассиси хадамоти техникаи зиреҳпӯши Раёсати аслиҳа ва техникаи ҳарбӣ -1 ҷой маоши мансабӣ 804 сомонӣ.

10. Мутахассиси пешбари шуъбаи хӯрокаи Раёсати ақибгоҳ- 1ҷой маоши мансабӣ 978 сомонӣ.

11. Мутахассиси пешбари шуъбаи маводи сӯзишвории Раёсати ақибгоҳ- 1 ҷой маоши мансабӣ 978 сомонӣ.

12. Мутахассиси пешбари шуъбаи кишоварзии Раёсати ақибгоҳ -1 ҷой маоши мансабӣ 978 сомонӣ.

13. Мутахассиси пешбари шуъбаи кишоварзии Раёсати ақибгоҳ -1 ҷой маоши мансабӣ 978 сомонӣ.

14. Мутахассиси пешбари рӯзномаи “Ҳомии Ватан”-и Маркази иттилоти ва фароғатӣ- 1 ҷой маоши мансабӣ 978 сомонӣ.

15. Сармутахассиси шуъбаи лоиҳакашии Раёсати сохтмони асосӣ-1 ҷой маоши мансабӣ 1200 сомонӣ.

16. Сармутахассиси зершуъбаи молияи Раёсати сохтмони асосӣ-1 ҷой маоши мансабӣ 1200 сомонӣ.

17. Сармутахассиси шуъбаи техникӣ ва таъминоти моддии Раёсати истифодабарии манзилӣ-1 ҷой маоши мансабӣ 1200 сомонӣ.

18. Мутахассиси пешбари шуъбаи техникӣ ва таъминоти моддии Раёсати истифодабарии манзилӣ-1 ҷой маоши мансабӣ 978 сомонӣ.

19. Мутахассиси пешбари зершуъбаи заминсозии Раёсати истифодабарии манзилӣ-1 ҷой маоши мансабӣ 978 сомонӣ.

муфассал

 

АЗ МУҲАББАТ ТО МАСЪУЛИЯТ

09 08 2019

Сатҳи зиндагии мо вобаста ба андешаю рафтори худи мост. Табиист, ки саодати пайваста ва неъматҳои фаровон ҳамеша насиби кас намегарданд. Дар шебу фарози зиндагӣ ҳамеша дар шитобем. Шитобкорӣ сабаб мешавад, ки зиштиҳоро нек пиндорему хубиву накукориҳои ақлу хирадро нодида гузарем. Ифрот бо ҳама боду ҳавои назарфиребаш қалбу рӯҳ ва дидаи ақлу ҳуши моро кӯр мекунад.
Китоби зиндагӣ аз таҷрибаю ҳикмат ва панду насиҳатҳои ибратомӯз холӣ набуда, дастраси ҳар хонанда ва дӯстдори асили фанни зиндагӣ мебошад. Ҳикматҳои беназири китоби зиндагӣ моро водор мекунанд, ки аз ҳар саҳифа ва ҳар сатри он самаранок баҳрабардорӣ намоем ва андешаю афкори худро бо усули нав, дар маҷрои наву созандагиҳои боз ҳам азимтаре равона созем. Зиндагии мо аз ранҷу ганҷ, муҳаббату рақобат ва садоқату хиёнат барин мафҳумҳои пуртазод холӣ нест. Чашидани лаззати ҳар кадоме аз ин мафҳумҳо ба сабки андешаронӣ ва рисолати мафкураамон вобастагии зиёд дорад. Агар қудрати андешаи мо маҳорати дидану шинохтани нури дар дуриҳои дур аён будаи иқболу саодат, файзу баракатро дошта бошад, он гоҳ метавон аз лаззати хони меҳнати мо баҳравар шуд.
Хастагию парешонҳолӣ ва ғаму андуҳ дар ҳамон даргоҳ ҷойгузин мешавад, ки аҳли он сарзамин дарси ваҳдату қудрат, ибрату нусрат ва асолати рафоқатро наомӯхтаю таҷриба накарда бошанд. Қадри озодию неъмат, сулҳу ваҳдат ва файзи меҳнатро оне мешиносаду қадр мекунад, ки қудрати андешааш мизони ҳаққу ботилро бе хато муайян карда метавонад. Касе, ки талхии ғаму ғурбат, дарду ранҷ ва ҷабру ситамро эҳсос карда бошад, қимати озодию ободӣ, ишқу муҳаббат ва саодату садоқатро медонад. Миллати мо аз он миллатҳоест, ки чӣ будани дарду ғам, шикасту рехт ва ғурбату ранҷро медонад. Чӣ будани озодию адолатро хуб мешиносад. Аз он тоифае нестем, ки барои мо дигарон ҳамаи шароити зисту зиндагӣ ва неъмату сарватҳои дилхоҳро ҳадя карда бошанд.

муфассал

 

НАТИҶАИ 11 РӮЗИ ДАЪВАТИ ШАҲРВАНДОН БА ХИЗМАТИ ҲАРБӢ

11.04.2018

Аз оғози даъвати баҳории шаҳрвандон ба хизмати ҳатмии ҳарбӣ беш аз 11 рӯз сипари гардид. Ва дар ин муддат иҷрои нақшаи ин маъракаи муҳими сиёсӣ дар ҷумҳурӣ 38 фоизро ташкил медиҳад.

Аз аввали моҳи апрели соли равон чорабиниҳои даъватии шаҳрвандон ба хизмати ҳатмии ҳарбӣ дар ҳама шаҳру навоҳии мамлакат муташакилона ва дар сатҳи зарури ҷараён дорад. Ва дар миёни шаҳру навоҳии мамлакат ВМКБ аз ҳама пешсаф буда, алакай дар нахустин рӯзҳои ин маъракаи муҳими сиёсӣ ноҳияи Мурғоб аз аввалинҳо шуда дар ҷумҳурӣ аз иҷрои нақша гузориш дод. Дар ин замина инҷунин ноҳияи Дарвоз низ дар арафаи анҷом бахшидани нақшаи даъват қарор дошта, масъулини комиссияҳои даъвати дар ВМКБ иҷрои ӯҳдадории ба онҳо пешбинишударо то ин дам ба 49 фоиз баробар намудаанд.

муфассал

 

ИШТИРОКИ ЭМОМАЛӢ РАҲМОН ДАР ҶАЛАСАИ ШӮРОИ АМНИЯТИ ДАСТАҶАМЪИИ СААД

12 11 2018

8 ноябр дар шаҳри Остонаи Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи Шӯрои амнияти дастаҷамъии Созмони Аҳдномаи амнияти дастаҷамъӣ иштирок намуданд.
Дар ҷаласа Президенти Ҷумҳурии Тоҷикистон Эмомалӣ Раҳмон, Президенти Федератсияи Россия Владимир Путин, иҷрокунандаи вазифаи Сарвазири Ҷумҳурии Арманистон Никол Пашинян, Президенти Ҷумҳурии Беларус Александр Лукашенко, Президенти Ҷумҳурии Қирғизистон Сооронбой Жээнбеков ва Президенти Ҷумҳурии Қазоқистон Нурсултон Назарбоев иштирок карданд.
Дар ҷаласаи Шӯрои амнияти дастаҷамъии Созмони Аҳдномаи амнияти дастаҷамъӣ масъалаҳои вобаста ба ҳамгироии давлатҳои аъзои созмон дар доираи узвият дар он ва дигар ташкилоту созмонҳои байналмилалӣ, ҳисоботи котиботи Созмони Аҳдномаи амнияти дастаҷамъӣ доир ба амнияти дастаҷамъӣ ва рафти иҷрои қарордодҳои ҷаласаи қаблии Шӯрои амнияти дастаҷамъии Созмони Аҳдномаи амнияти дастаҷамъӣ дар моҳи ноябри соли 2017, доир ба самтҳои ояндадори фаъолият дар давраи раёсати Ҷумҳурии Қирғизистон дар Созмони Аҳдномаи амнияти дастаҷамъӣ ва дигар масъалаҳои муҳими марбут ба таъмини амнияту суботи минтақавӣ ва байналмилалӣ мавриди баррасӣ қарор дода шуданд.

муфассал

 

ИЗҲОРОТИ МУШТАРАКИ ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ВА ПРЕЗИДЕНТИ ҶУМҲУРИИ ОЗАРБОЙҶОН ИЛҲОМ АЛИЕВ

13 08 2018

Президенти Ҷумҳурии Тоҷикистон ва Президенти Ҷумҳурии Озарбойҷон (минбаъд «Тарафҳо»),
бо пайравии устувор ба Аҳдномаи дӯстӣ ва ҳамкорӣ байни Ҷумҳурии Тоҷикистон ва Ҷумҳурии Озарбойҷон аз 15 марти соли 2007, Эъломияи муштарак байни Ҷумҳурии Тоҷикистон ва Ҷумҳурии Озарбойҷон аз 13 августи соли 2007, Изҳороти муштараки Президенти Ҷумҳурии Тоҷикистон Э. Раҳмон ва Президенти Ҷумҳурии Озарбойҷон И. Алиев аз 12 июли соли 2012, Эъломияи муштараки Президенти Ҷумҳурии Тоҷикистон ва Президенти Ҷумҳурии Озарбойҷон аз 16 октябри соли 2014
доираи васеи масъалаҳои муносибатҳои Тоҷикистону Озарбойҷонро мавриди баррасӣ қарор дода,
бо итминони комил, ки таҳкими дӯстии Тоҷикистону Озарбойҷон ва саъйи Тарафҳо ҷиҳати баровардани муносибатҳои дуҷониба ба сатҳи сифатан беҳтар ба таъмиқи ҳамкориҳои ҳамаҷониба байни Тарафҳо мусоидат хоҳад кард ва омили муҳими таъмини амнияти минтақавӣ ва рушд хоҳад буд,
бо риояи устувори меъёрҳо ва принсипҳои аз тарафи умум эътирофшудаи ҳуқуқи байналмилалӣ, Оинномаи Созмони Милали Муттаҳид, Санади хотимавии Хелсинкии Созмони Амният ва Ҳамкорӣ дар Аврупо ва ҳуҷҷатҳои дар доираи Созмони ҳамкории исломӣ қабулгардида,
бо таъкид ба азми қавии худ ҷиҳати таҳкими ҳамаҷонибаи робитаҳои байнидавлатӣ бар асоси принсипҳои эҳтироми мутақобилаи соҳибихтиёрӣ ва истиқлолияти давлатии онҳо, тамомияти арзӣ ва дахлнопазирии марзҳои дар доираи байналмилалӣ эътирофшуда,
бо таъкид ба омодагии худ ҷиҳати густариши минбаъдаи муносибатҳои дуҷониба дар асоси волоияти қонун, демократия, ҳуқуқи инсон ва принсипҳои иқтисоди бозаргонӣ,
бо мақсади сифати нав бахшидан ба ҳамкориҳои дуҷониба дар соҳаҳои сиёсат, тиҷорату иқтисод, энергетика, нақлиёт, истеҳсолот, илму техника, кишоварзӣ, иттилоот, гуманитарӣ ва таҳкими заминаи ҳуқуқии он, изҳор менамоянд:

муфассал

 

<< Start < Prev 1 2 3 4 5 6 7 8 9 10 Next > End >>

Page 9 of 11